Luka 20:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ a bɔni mi hlami ngɛ mɛ nitsɛmɛ a kpɛti. A bi a he ke, “Kɛ wa ma de kɛɛ? Ke wa ke, Mawu nɛ ha lɛ ɔ, e ma de ke, ‘Lɛɛ mɛni he je nyɛ he we Yohane yi mɔ?’

Somi He Ɔ

⁵ Se a sa nya ngɛ a kpɛti ke: “Ke wa de ke e je hiɔwe ɔ, e ma de ke: ‘Mɛni he je nɛ nyɛ he we lɛ yi mɔ?’

Luka 20:5 ပူးပေါင်းရင်းမြစ်များ

Ni Tsumi 13:25

Benɛ Yohane miɔ nɛ e maa gbe e ní tsumi nya a, e bi ke, ‘Kɛ nyɛ susu ngɛ ye he kɛɛ? Mɛnɔ ji mi? Tsa pi imi ji nɔ nɛ nyɛ ngɛ blɔ hyɛe ɔ. Se nɔ ko ma ngɛ ye se, nɛ i sɛ́ nɔ nɛ pɛneɔ e tokota nya kpa tete.’

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Yohane 3:26

Lɔ ɔ he ɔ, kaseli ɔmɛ ba Yohane ngɔ, nɛ a ba bi lɛ ke, “Tsɔɔlɔ, nyumu ɔ nɛ e kɛ mo hi Yordan pa a beleku je nɛ o tu e he munyu ɔ, o kai lɛ lo? Hyɛ, amlɔ nɛ ɔ, nihi babauu ngɛ e ngɔ yae, nɛ e ngɛ mɛ sɔlee.”

Yohane 1:34

Nɔ́ nɛ ɔ ba mi jã pɛpɛɛpɛ nɛ i na, lɔ ɔ he nɛ i ngɛ odase yee ke Yesu ji Mawu Bi ɔ nɛ.”

Yohane 1:30

Nɔmlɔ nɛ ɔ he nɛ i de ngɛ ke, ‘Nɔ ko ma ngɛ ye se, se e pe mi, ejakaa e ngɛ loko i ngɛ’ ɔ nɛ.

Mateo 16:7

Se a tu he munyu ngɛ a kpɛti ke, “E de jã, ejakaa wa hɛɛ we niye ní kɛ bɛ!”

Mateo 21:25

He wami nɛ Yohane kɛ sɔle nihi ɔ, jije jamɛ a he wami ɔ je? E je Mawu ngɔ, loo adesa ngɔ?” Nɔ́ nɛ ɔ kɛ nya sami ba a kpɛti, nɛ a de ke, “Ke wa de ke, ‘E je Mawu ngɔ’ ɔ, e ma bi wɔ ke, ‘Mɛni he je nyɛ he we lɛ yi mɔ?’

Luka 20:4

He blɔ nɛ Yohane ngɛ nɛ e kɛ sɔle nihi ɔ, Mawu lɛ ha lɛ, aloo nɔmlɔ adesa?”

Luka 20:6

Nɛ ke wa de ke, ‘Nɔmlɔ adesa nɛ ha lɛ’ ɔ, ni ɔmɛ nɛ ngɛ hiɛ ɔ tsuo maa fia wɔ tɛ; ejakaa a heɔ yeɔ kaa Yohane ɔ, gbalɔ ji lɛ.”