Luka 20:47 - BAIBLO ALOO NGMAMI KLƆUKLƆU Ɔ

⁴⁷ A sisiɔ yalɔyihi, nɛ a kpɔɔ a wehi ngɛ a dɛ. Kɛkɛ ɔ, a peeɔ sɔlemi gagaaga, konɛ a kɛ laa a ní peemi ní ɔmɛ a nɔ. Mawu maa gbla a tue pe nine!”

Somi He Ɔ

⁴⁷ nihi nɛ mii yalɔyi a wehi, nɛ lakpa tomi he ɔ, a sɔlee sɔlemi gagaagahi ɔ; ni nɛ ɔmɛ a fɔ bumi maa pe nine.”

Luka 20:47 ပူးပေါင်းရင်းမြစ်များ

Marko 12:40

A kpɔɔ yalɔyi a wehi ngɛ a dɛ, kɛkɛ ɔ, a peeɔ sɔlemi gagaaga konɛ a kɛ laa a ní peemi ní ɔmɛ a nɔ. Ni nɛ ɔmɛ a tue gblami maa pee gbeye.”

Yakobo 3:1

Ye nyɛmimɛ, nyɛ ti nihi fuu kó pee nyɛ he tsɔɔli. Kaa bɔ nɛ nyɛ le ɔ, wɔ tsɔɔli ɔmɛ ɔ, wa tue gblami nya maa wa pe ni kpa amɛ.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Luka 12:1

Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mika 3:2

se nyɛ nyɛɛ nɔ́ kpakpa, nɛ nyɛ suɔ yayami mohu. Nyɛ kpɔɔ ye ma mi bi ɔmɛ a he womi hɛ ngmengmle kɛ jeɔ a wuhi a he.

Mika 2:8

Yawɛ he nɔ ke, “Nyɛ te si kɛ wo ye ma a kaa nɔ́ nɛ wa he nyɛli ji nyɛ. Ta buli nɛ je ta kɛ ba, nɛ a susumi ji a ma na tue mi jɔmi ngɛ we ɔ, nyɛ kplɔ a tadehi ngɛ a he.

Amos 2:7

Nyɛ niatsɛmɛ ɔmɛ hlaa kaa a ye ohiatsɛmɛ amimi daa; ke ohiatsɛ ngɛ amanehlu mi, kɛkɛ niatsɛ bua jɔ. Nɔ kɛ e tsɛ po kɛ nyɔguɛ yo kake naa bɔmi, nɛ a kɛ nɔ́ nɛ ɔ peemi bleɔ ye biɛ klɔuklɔu ɔ.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Yesaya 10:2

Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Mateo 23:14

Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ kpɔɔ yalɔyihi a wehi ngɛ a dɛ. Kɛkɛ ɔ, nyɛ ya peeɔ sɔlemi gagaaga! Enɛ ɔ he ɔ, nyɛ tue gblami ɔ maa pee gbeye.]

Luka 20:46

“Nyɛɛ hyɛ nyɛ he saminya ngɛ mlaa tsɔɔli ɔmɛ a he. A suɔ kaa a maa wo tade klɔii kɛ hi nyɛɛe kɛ hi bee. A suɔ kaa nihi nɛ kpla si kɛ nga mɛ ngɛ jua nɔ. A suɔ nikɔtɔmahi a sihi he ngɛ kpe he ɔmɛ; nɛ ke a tsɛ ní yemi ɔ, a suɔ kaa a maa hi okplɔɔ ɔ yi.

Luka 21:1

Ligbi ko benɛ Yesu ya sɔlemi we ɔ mi ɔ, e na niatsɛmɛ nɛ ngɔ a nike ní kɛ ngɛ tó tsumi daka a mi woe.