Luka 20:46 - BAIBLO ALOO NGMAMI KLƆUKLƆU Ɔ

⁴⁶ “Nyɛɛ hyɛ nyɛ he saminya ngɛ mlaa tsɔɔli ɔmɛ a he. A suɔ kaa a maa wo tade klɔii kɛ hi nyɛɛe kɛ hi bee. A suɔ kaa nihi nɛ kpla si kɛ nga mɛ ngɛ jua nɔ. A suɔ nikɔtɔmahi a sihi he ngɛ kpe he ɔmɛ; nɛ ke a tsɛ ní yemi ɔ, a suɔ kaa a maa hi okplɔɔ ɔ yi.

Somi He Ɔ

⁴⁶ “Nyɛ hɛ nɛ hi nyɛ he nɔ ngɛ mlaa tsɔɔli ɔmɛ a he, se a suɔ tade wuyawuyahi a mi nyɛɛmi, nɛ a suɔ jua nɔ ngamihi kɛ nikɔtɔmahi a sihi hehi ngɛ kpe he ɔmɛ kɛ okplɔɔ yi himi ke a tsɛ ni yemi;

Luka 20:46 ပူးပေါင်းရင်းမြစ်များ

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Mateo 16:6

Yesu de mɛ ke, “Nyɛɛ hyɛ saminya! Nyɛ hɛ nɛ hi nyɛ he nɔ ngɛ Farisi bi ɔmɛ, kɛ Saduki bi ɔmɛ a masa a he!”

Mateo 23:1

Enɛ ɔ se ɔ, Yesu kɛ nimli kpekpemi ɔ, kɛ e kaseli ɔmɛ tu munyu. E de mɛ ke,

Marko 8:15

Yesu bɔ mɛ kɔkɔ ke, “Nyɛɛ hyɛ saminya nɛ nyɛ hɛ nɛ hi nyɛ he nɔ ngɛ Farisi bi a masa a, kɛ Herode masa a he!”

Luka 11:43

“Nyɛ Farisi bi, musu tloo nyɛ! Nyɛ suɔ nikɔtɔmahi a sihi hehi ngɛ kpe he ɔmɛ, nɛ nyɛ suɔ hu nɛ nihi nɛ kpla si kɛ nga nyɛ ngɛ jua nɔ.

Luka 12:1

Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

Luka 14:7

Yesu na bɔ nɛ nihi nɛ a kpee kɛ ba a ngɛ nikɔtɔmahi a sihi he hlae ha a he. Lɔ ɔ he ɔ, e wo mɛ ga ke,

Luka 20:47

A sisiɔ yalɔyihi, nɛ a kpɔɔ a wehi ngɛ a dɛ. Kɛkɛ ɔ, a peeɔ sɔlemi gagaaga, konɛ a kɛ laa a ní peemi ní ɔmɛ a nɔ. Mawu maa gbla a tue pe nine!”

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

2 Timoteo 4:15

Moo hyɛ o he ngɛ e he, ejakaa e te si wawɛɛ ngɔ si munyu ɔ nɛ wa ngɛ fiɛe ɔ.

3 Yohane 1:9

I ngma womi kpiti ko ngɔ mane asafo ɔ. Se Diotrefe, nɔ nɛ hlaa kaa e pee e he nɔkɔtɔma a bui mi kulaa.