Luka 20:36 - BAIBLO ALOO NGMAMI KLƆUKLƆU Ɔ

³⁶ A maa pee kaa Mawu bɔfohi, nɛ a be gboe hu. A pee Mawu bimɛ, ejakaa a te si kɛ je gbeje.

Somi He Ɔ

³⁶ nɛ jeha nɛ ɔ hu a be gboe hulɔ, ejakaa a ngɛ kaa hiɔwe bɔfohi nɛ Mawu bimɛ ji mɛ, akɛnɛ si temi bimɛ ji mɛ he je ɔ.

Luka 20:36 ပူးပေါင်းရင်းမြစ်များ

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Zakaria 3:7

bɔ nɛ Yawɛ Tabohiatsɛ ɔ de ji nɛ ɔ nɛ: “Ke o maa ye mlaa amɛ a nɔ, nɛ o maa hɛɛ ye blɔ nya tomi ɔmɛ a mi ɔ, ma ha nɛ o ye ye we ɔ, kɛ e he kue ɔmɛ a nɔ. Ma ha mo blɔ he ngɛ nihi nɛ daa si ngɛ ye hɛ mi ɔ a kpɛti.

Mateo 22:30

Benɛ ni gbogboehi maa te si kɛ ba wami mi ekohu ɔ, a maa hi kaa hiɔwe bɔfohi; a be yo ngɔe, nɛ nɔ ko hu be gbae.

Marko 12:25

Ejakaa benɛ a ma tle ni gbogboehi si ɔ, a be yo ngɔe, nɛ a be gbae hulɔ; mohu a maa hi kaa hiɔwe bɔfohi.

Romabi 8:16

Mawu mumi ɔ nitsɛ kɛ wɔ hu wa mumi ɔ yeɔ odase kaa Mawu bimɛ ji wɔ.

1 Korintobi 15:26

Nyagbe he nyɛlɔ nɛ a ma kpata e hɛ mi ji gbenɔ.

1 Korintobi 15:42

E ngɛ kaa bɔ nɛ a ma tle ni gbogboehi si kɛ ba wami mi ekohu ɔ pɛpɛɛpɛ. Nɔ́ nɛ a pu kaa wu ɔ ma puɛ, se nɔ́ nɛ a ma tle si ɔ lɛɛ e be puɛe.

1 Korintobi 15:49

Nɛ wɔ nɛ a bɔ wɔ ngɛ je nɛ ɔ mi no ɔ subai nɔ ɔ, wa ma ba hɛɛ Hiɔwe No ɔ subai.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Kpojemi 20:6

Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Kpojemi 22:9

Se e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ, gbali ɔmɛ, kɛ nihi tsuo nɛ pɛtɛɔ munyuhi nɛ ngɛ womi nɛ ɔ mi ɔ he ɔ. Já Mawu mohu!”