Luka 20:34 - BAIBLO ALOO NGMAMI KLƆUKLƆU Ɔ

³⁴ Yesu de mɛ ke, “Yi nɔ nɛ ɔ bi ngɔɔ yo, nɛ a kɛ yo haa gba.

Somi He Ɔ

³⁴ Yesu ha mɛ heto ke: “Je nɛ ɔ mi bimɛ ngɔɔ yo, nɛ a kɛ yo haa gba;

Luka 20:34 ပူးပေါင်းရင်းမြစ်များ

Mateo 12:32

Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ. Se nɔ nɛ maa tu munyu kɛ si Mumi Klɔuklɔu ɔ, a kɛ be lɛ pae ngɛ yi nɔ nɛ ɔ, aloo yi nɔ nɛ maa ba a mi.

Luka 16:8

“Niatsɛ ɔ je tsɔlɔ nɔkɔtɔma nɔ sisilɔ ɔ yi saminya kaa e to ga kikɛ nɛ ɔ. Ejakaa anɔkuale mi ɔ, je mi bi a nane nya sɔɔ kɛ nɔ sisimi kulaa pe nihi nɛ yeɔ Mawu gbeye.”

Luka 17:27

A ngɛ ní yee, nɛ a ngɛ ní nue; a ngɛ yihi ngɔe, nɛ a kɛ yihi ngɛ gba hae hluu kɛ ya su ligbi ɔ nɛ Noa sɛ lɛ ɔ mi. Kɛkɛ nɛ nyu kpekpemi ɔ ba, nɛ e ba kpata mɛ tsuo pɛpɛɛpɛ a hɛ mi.

Luka 20:33

Lɔ ɔ he ɔ, ligbi ɔ nɛ ni gbogboehi maa te si kɛ ba wami mi ekohu ɔ, mɛnɔ yo nɛ e maa pee? Nyɛmimɛ kpaago ɔmɛ tsuo kɛ lɛ hi si.”

Efesobi 5:31

Kaa bɔ nɛ ngmami ɔ deɔ ɔ, “Enɛ ɔ he nɛ nyumu ma si e tsɛ kɛ e nyɛ, nɛ e maa mɛtɛ e yo he, nɛ mɛ ni enyɔ ɔmɛ tsuo maa pee he lo kake.”

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.