Luka 20:25 - BAIBLO ALOO NGMAMI KLƆUKLƆU Ɔ

²⁵ Yesu de mɛ ke, “Saminya! Nyɛɛ ngɔ Kaisare ɔ nɔ́ ngɔ ha Kaisare ɔ, nɛ nyɛɛ ngɔ Mawu nɔ́ ngɔ ha Mawu!”

Somi He Ɔ

²⁵ Nɛ e de mɛ ke: “Lɛɛ nyɛɛ ngɔ Kaisare nihi ngɔ ha Kaisare, nɛ Mawu nihi ɔ nyɛ ngɔ ha Mawu!”

Luka 20:25 ပူးပေါင်းရင်းမြစ်များ

Abɛ Womi 24:21

Ye bi, ye Yawɛ gbeye, nɛ o bu matsɛ. Nihi nɛ teɔ si kɛ woɔ mɛ ɔ, o kɛ jamɛatsɛmɛ ɔmɛ ko bɔ.

Mateo 17:27

Se bɔ nɛ pee nɛ wa ko tsɔ̃ nimli nɛ ɔmɛ a nya a, yaa wo ɔ nya nɛ o ya fɔ gbowe. Kekleekle lo nɛ ma ba mi gbowe ɔ, sá lɛ. Hyɛ lo ɔ nya mi, nɛ o maa na sika nɛ maa su i kɛ mo tsuo wa sɔlemi we ɔ he tó ɔ nya. Ngɔɔ nɛ o kɛ wo wa tó ɔ.”

Mateo 22:21

A he nɔ ke, “Kaisare ɔ.” Yesu de mɛ ke, “Lɛɛ nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.”

Marko 12:17

Yesu he nɔ ke, “Nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.” Nɛ Yesu he pee mɛ nyakpɛ wawɛɛ nitsɛ.

Luka 20:24

“Nyɛɛ ngɔ sika nɛ a kɛ tsuɔ tó ɔ kɛ ba nɛ ma hyɛ!” E ya nɔ bi mɛ ke, “Mɛnɔ foni ji nɛ ɔ, nɛ mɛnɔ biɛ a ngma ngɛ nɔ ɔ?” A he nɔ ke, “Kaisare ɔ.”

Ni Tsumi 5:29

Petro, kɛ bɔfo kpa amɛ he nɔ ke, “E sa kaa waa bu Mawu mohu tue, se pi nimli.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.