Luka 2:7 - BAIBLO ALOO NGMAMI KLƆUKLƆU Ɔ

⁷ E fɔ e kekleekle bi, nɛ e ngɔ bo kɛ blaa lɛ, nɛ e kɛ lɛ fɔ lohwehi a niye ní daka mi; ejakaa a nɛ blɔ ngɛ nibwɔhi a to he ɔ.

Somi He Ɔ

⁷ Nɛ pe fɔ bi nyumu, e kekleekle bi ɔ, nɛ e ngɔ bo ngɔ blaa lɛ, nɛ e ngɔ lɛ ngɔ fɔ lohwehi a niye ni nɔ mi, ejakaa a nɛ blɔ ngɛ nibwɔhi a to he ɔ.

Luka 2:7 ပူးပေါင်းရင်းမြစ်များ

Mose I, 42:27

Benɛ a ya su nibwɔhi a to he ɔ, nɛ a ti nɔ kake pɛne e kotoku ɔ nya konɛ e ha e teji ɔ ní ɔ, e na e sika a ngɛ kotoku ɔ nya.

Mose I, 43:21

Benɛ wa kpale wa se kɛ yaa, nɛ wa ya to si ngɛ blɔ ɔ nɔ ɔ, wa pɛne wa kotoku ɔmɛ a nya. Kɛkɛ ɔ, wa ti nɔ tsuaa nɔ na sika nɛ e kɛ ba he ní ɔ susui ngɛ e kotoku nya. Wa kpale sika a kɛ ba.

La 22:6

Se imi lɛɛ, pi nɔmlɔ ji mi hu; i ngɛ kaa gɔgɔ. Nihi tsuo pɛpɛɛpɛ hiee mi, nɛ a bɔɔ mi ahlua.

Mose II, 4:24

Benɛ Mose yaa a, Yawɛ ya je e he si ha lɛ ngɛ nibwɔhi a to he ko, nɛ e piɛ nguɛ nya nɛ e tane e yi.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Mateo 1:25

Se e kɛ lɛ na we nyumu kɛ yo bɔmi hluu kɛ ya su be nɛ Maria fɔ binyumu. Nɛ Yosef wo lɛ biɛ ke Yesu.

Mateo 13:55

Anɛ pi kapitɛ ɔ bi ɔ ji nɛ ɔ? Anɛ pi e nyɛ nɛ a tsɛɛ Maria a? Pi e nyɛminyumuhi ji Yakobo, Yosef, Simon, kɛ Yuda a?

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Luka 10:34

E ya nyumu ɔ ngɔ, nɛ e plɛ nu kɛ wai ngɔ pue e pa amɛ a nɔ, nɛ e fi nɔ. Lɔ ɔ se ɔ, e wo nyumu ɔ ngɔ hi lɛ nitsɛ e lohwe nɔ, nɛ e ngɔ lɛ kɛ ya nibwɔhi a to he, nɛ e ya hyɛ e nɔ.

Luka 2:6

Jamɛ a be ɔ, Maria mi wa, nɛ benɛ a ngɛ Betlehem ɔ, e fɔmi be ba su.

Luka 2:8

To hyɛli komɛ ngɛ a tohi a he bue nyɔ mi ngɛ nga a nɔ ngɛ lejɛ ɔ ní ɔmɛ a mi nɔuu.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.