Luka 2:49 - BAIBLO ALOO NGMAMI KLƆUKLƆU Ɔ

⁴⁹ E bi mɛ ke, “Mɛni he je nyɛ ngɛ mi hlae? Anɛ nyɛ li kaa e sa kaa ma hi Tsaatsɛ we ɔ lo?”

Somi He Ɔ

⁴⁹ Nɛ e de mɛ ke: “Mɛ he je nyɛ ngɛ mi hlae? Anɛ nyɛ li kaa e sa kaa ma hi si ngɛ nihi nɛ ji tsaatsɛ nɔ ɔ mi lo?”

Luka 2:49 ပူးပေါင်းရင်းမြစ်များ

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Mateo 21:12

Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Luka 2:48

Benɛ e fɔli ɔmɛ na lɛ ɔ, a nya kpɛ a he; nɛ e nyɛ bi lɛ ke, “Ye bi, mɛni he je nɛ o pee wɔ kikɛ nɛ ɔ? Hyɛ, i kɛ o tsɛ kpa si hla mo kɛ hɛdɔ.”

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yohane 5:17

Yesu de mɛ ke, “Tsaatsɛ ngɛ ní tsue be tsuaa be, nɛ imi hu i ngɛ ní tsue.”

Yohane 5:36

Imi lɛɛ i ngɛ odase nɛ pe Yohane nɔ́ ɔ, ejakaa ní tsumihi nɛ Tsaatsɛ ngɔ ha mi kaa ma tsu ɔ, jamɛ a ní tsumi ɔmɛ nɛ́ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Yohane 8:29

Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”

Yohane 9:4

Nɛ je na nɛ ɔ, ja wa tsu nɔ nɛ tsɔ mi ɔ ní tsumi ɔmɛ. Je maa jɔ, nɛ nɔ ko nɔ ko be nyɛe ma tsu ní.