Luka 2:41 - BAIBLO ALOO NGMAMI KLƆUKLƆU Ɔ

⁴¹ Daa jeha a, Yesu fɔli ɔmɛ yaa Yerusalem ya yeɔ Hetsɔmi nyami ɔ.

Somi He Ɔ

⁴¹ Daa jeha a, Yesu fɔli ɔmɛ yaa Yerusalem ya yeɔ Hetsɔmi nyami ligbi ɔ.

Luka 2:41 ပူးပေါင်းရင်းမြစ်များ

Mose II, 12:11

Nyɛɛ ye ní ɔ kaa blɔ hiali. Nyɛɛ fi nyɛ kpɛti; nyɛ tokota nɛ hi nyɛ nane; nyɛ dɛma tso nɛ hi nyɛ dɛ mi, nɛ nyɛɛ ye ní ɔ esɔesɔ; ejakaa Hetsɔmi nyami ligbi kɛ ha imi, Yawɛ ji nɛ ɔ nɛ.

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Mose II, 34:23

“Daa jeha a, o ma a mi nyumu ɔmɛ tsuo nɛ a ba bua si etɛ ngɛ imi Yawɛ, Israel Mawu ɔ, ye hɛ mi.

Mose III, 23:5

Kekleekle nyɔhiɔ ɔ we ligbi nyɔngma kɛ eywiɛne ɔ gbɔkuɛ ji Hetsɔmi ɔ nɛ a kɛ woɔ Yawɛ hɛ mi nyami ɔ sisije.

Mose IV, 28:16

“Kekleekle nyɔhiɔ ɔ we ligbi nɛ ji nyɔngma kɛ eywiɛ ɔ ji Yawɛ Hetsɔmi nyami be ɔ nɛ.

Luka 2:42

Benɛ Yesu ye jeha nyɔngma kɛ enyɔ ɔ, a ya Yerusalem kaa bɔ nɛ kusumi ɔ tsɔɔ ɔ.

Yohane 11:55

Jehanɛ ɔ, Hetsɔmi nyami be ɔ su ta; lɔ ɔ he ɔ, nihi babauu nɛ je ngmɔ si ɔ pue nɔ kɛ ho Yerusalem ya. Kusumi nɛ a peeɔ kɛ tsukɔɔ a he ɔ, a ya konɛ a ya pee loko nyami be ɔ nɛ su.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 2:13

Benɛ Yuda bi ɔmɛ a Hetsɔmi nyami be ɔ su ɔ, Yesu ya Yerusalem.

Yohane 6:4

Be nɛ Yuda bi ɔmɛ maa ye Hetsɔmi nyami ɔ su ta.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Samuel I, 1:21

Jeha ba su ekohu, nɛ Elkana kɛ e we ɔ tsuo ho Shilo ya, konɛ a ya sã daa jeha bɔ ɔ, kɛ bɔ titli ko hu nɛ e wo Yawɛ he si ɔ.

Samuel I, 1:3

Daa jeha a, Elkana jeɔ Rama kɛ yaa Shilo ya jaa Yawɛ Tabohiatsɛ ɔ, nɛ e sãã bɔ kɛ haa lɛ. Lejɛ ɔ Hofni kɛ Finehas, Eli binyumu enyɔ ɔmɛ ngɛ osɔfo yee ngɛ.