Luka 2:40 - BAIBLO ALOO NGMAMI KLƆUKLƆU Ɔ

⁴⁰ Jokuɛ ɔ ba wa ngɛ nɔmlɔ tso mi; e le ní hulɔ, nɛ Mawu gbaa lɛ babauu.

Somi He Ɔ

⁴⁰ Nɛ jokuɛ ɔ ba wa, nɛ e he wa ngɛ mumi mi, nɛ e hyi tɔ kɛ nile, nɛ Mawu dloomi ngɛ e nɔ.

Luka 2:40 ပူးပေါင်းရင်းမြစ်များ

La 22:9

Se, mo lɛ o je mi kɛ je maa muklii mi; nɛ o hyɛ ye nɔ kɛ je be mi nɛ i ngɛ nyɔ nya tɔɔ.

La 45:2

O he ngɛ fɛu pe nɔ tsuaa nɔ. O nya mi tsɔ kɛ munyu tumi. Mawu gbaa mo kɛ yaa neneene.

Luka 1:80

Jokuɛ ɔ ba wa ngɛ nɔmlɔ tso, kɛ mumi mi tsuo, nɛ e hi nga a nɔ kɛ ya su ligbi nɛ e je e he kpo ngɔ tsɔɔ Israel.

Luka 2:47

Nihi tsuo nɛ ngɛ lɛ tue bue ɔ a nya kpɛ a he; ejakaa a na kaa e juɛmi mi kuɔ, nɛ e ngɛ níhi a heto hae pɛpɛɛpɛ.

Luka 2:52

Yesu ba wa ngɛ nɔmlɔ tso mi, nɛ e le ní kɛ ya nɔ. Nɛ Mawu kɛ nimli adesahi tsuo ná e he bua jɔmi.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Ni Tsumi 4:33

He wami kpetekpleenyɛ lɛ bɔfo ɔmɛ kɛ ye Nyɔmtsɛ Yesu si temi ɔ he odase, nɛ Mawu dloo mɛ babauu.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

Manyadali 13:24

Yo ɔ ba fɔ binyumu, nɛ e wo lɛ Samson. Jokuɛ ɔ ba wa, nɛ Yawɛ gbaa lɛ.

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Samuel I, 2:21

Yawɛ gbaa Hana niinɛ, nɛ e fɔ binyumu kpahi etɛ kɛ yihi enyɔ. Jokuɛyo Samuel ɔ ba wa, nɛ e ya nɔ nɛ e sɔmɔ Yawɛ.

Samuel I, 2:26

Jokuɛyo Samuel ɔ lɛɛ e ngɛ wae ngɛ nɔmlɔ tso mi; nɛ Yawɛ kɛ nimli adesahi tsuo na e he bua jɔmi.

Samuel I, 3:19

Nɛ́ Samuel ngɛ wae ɔ, Yawɛ kɛ lɛ ngɛ, nɛ nɔ́ tsuaa nɔ́ nɛ Samuel de ɔ, Yawɛ haa e baa mi ja pɛpɛɛpɛ.