Luka 2:4 - BAIBLO ALOO NGMAMI KLƆUKLƆU Ɔ

⁴ Yosef je Nazaret ma a mi ngɛ Galilea, nɛ e ya Betlehem ngɛ Yudea, he nɛ a fɔ Matsɛ David ngɛ ɔ. Yosef ya lejɛ ɔ, ejakaa David nina ji lɛ.

Somi He Ɔ

⁴ Lɔ ɔ he ɔ Yosef hu je Nazaret ma a mi ngɛ Galilea, nɛ e ya Betlehem nɛ ji David ma nɛ ngɛ Yudea a mi, ejakaa e je David we kɛ e weku ɔ mi,

Luka 2:4 ပူးပေါင်းရင်းမြစ်များ

Mose I, 35:19

Benɛ Rahel gbo ɔ, a pu lɛ ngɛ blɔ nɛ yaa Efrat ɔ he. Amlɔ nɛ ɔ lɛɛ a tsɛɛ Efrat ma a ke Betlehem.

Mose I, 48:7

I ngɛ nɔ́ nɛ ɔ pee ngɛ o nyɛ Rahel he. Benɛ i je Mesopotamia kɛ ma a, Rahel gbo fɔ ye nɔ ngɛ blɔ ɔ nɔ, ngɛ Kanaan zugba a nɔ, benɛ e piɛ bɔɔ nɛ ma su Efrat ɔ. I pu lɛ ngɛ lejɛ ɔ, ngɛ Efrat blɔ ɔ nɔ.” (Amlɔ nɛ ɔ, a tsɛɛ Efrat ke Betlehem.)

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Mateo 2:23

nɛ e ya hi ma ko nɛ a tsɛɛ Nazaret ɔ. Nɛ nɔ́ nɛ gbali ɔmɛ de to ɔ ba mi ke, “A ma tsɛ lɛ Nazaret no.”

Luka 2:3

Lɔ ɔ he ɔ, nɔ tsuaa nɔ ho lɛ nitsɛ e ma mi ya, konɛ a ya ngma e biɛ.

Luka 2:5

E ya, konɛ e kɛ Maria, yo nɛ a bi si ha lɛ ɔ tsuo nɛ a ya ngma a biɛ.

Luka 4:16

Enɛ ɔ se ɔ, Yesu ba Nazaret, he nɛ a lɛ lɛ ngɛ ɔ. Hejɔɔmi ligbi ɔ, e ya kpe he ɔ kaa bɔ nɛ e pɔɔ peemi ɔ. E te si, konɛ e kane ngmami ɔ,

Yohane 1:46

Se Natanael bi Filipo ke, “Anɛ nɔ́ kpakpa ko maa je Nazaret lo?” Filipo he nɔ ke, “Ba nɛ o ba hyɛ!”

Yohane 7:42

Ejakaa a ngma ke Mesia a maa pee Matsɛ David nina; nɛ jehanɛ hu, Betlehem, he nɛ Matsɛ David hi ɔ, lejɛ ɔ a ma fɔ lɛ ngɛ.”

Rut Womi 1:19

Kɛkɛ nɛ mɛ ni enyɔ ɔmɛ a tsa nyɛɛmi ɔ nɔ kɛ ya si a ya su Betlehem. Benɛ a su Betlehem ɔ, ma a tsuo hoso, nɛ yi ɔmɛ nɛ ngɛ lejɛ ɔ kɛ gbafa bi ke, “Naomi ɔ ji nɛ ɔ?”

Rut Womi 2:4

Saii mi ɔ, Boaz nitsɛ je ma a mi kɛ ba. E ha ní kpali ɔmɛ ayekoo, nɛ mɛ hu a he nɔ ke, “Aayee.”

Rut Womi 4:11

Ma a mi bi ɔmɛ nɛ ngɛ lejɛ ɔ, kɛ ma nimeli ɔmɛ de ke, “Wa kplɛɛ nɔ, Yawɛ nɛ ha yo nɛ ɔ ba pee kaa Rahel kɛ Lea nɛ a fɔ bimɛ fuu kɛ ha Yakob ɔ. Yawɛ nɛ pee mo niatsɛ ngɛ Efrat, nɛ o biɛ nɛ pɛ ngɛ Betlehem.

Rut Womi 4:17

Nɛ huza a nɔ yi ɔmɛ de ke, “Jehanɛ lɛɛ Naomi na binyumu.” A wo jokuɛyo ɔ biɛ ke Obed. Pee se ɔ, Obed fɔ binyumu, nɛ a wo lɛ biɛ ke Ishai. Ishai nɛ ɔ ji David tsɛ.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 16:4

Samuel pee kaa bɔ nɛ Yawɛ de lɛ ɔ. E ya Betlehem, nɛ ma nimeli ɔmɛ kɛ lɛ ba kpe kɛ he domi, nɛ a bi ke, “O ba ngɛ tue mi jɔmi mi lo?”

Samuel I, 17:12

Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.

Samuel I, 17:58

Saul bi lɛ ke, “Niheyo, mɛnɔ bi ji mo?” Nɛ David ha heto ke, “O tsɔlɔ Ishai, Betlehem no ɔ bi ji mi.”

Samuel I, 20:6

Ke o tsɛ bi ye si ɔ, de lɛ ke, ‘David bi mi blɔ wawɛɛ ke e maa po e he bɔɔ kɛ ya e ma mi ngɛ Betlehem nɛ e ba; ejakaa a ngɛ jeha bɔ sãe ngɛ lejɛ ɔ kɛ ha weku ɔ tsuo.’