Luka 2:39 - BAIBLO ALOO NGMAMI KLƆUKLƆU Ɔ

³⁹ Benɛ Yosef kɛ Maria pee kusumi ɔmɛ tsuo gbe nya kaa bɔ nɛ Nyɔmtsɛ ɔ mlaa a tsɔɔ ɔ, a kpale a se kɛ ho mɛ nitsɛmɛ a ma Nazaret, nɛ ngɛ Galilea a ya.

Somi He Ɔ

³⁹ Nɛ benɛ a gbe ni ɔmɛ tsuo nya ngɛ Nyɔmtsɛ ɔ Mlaa a nya a, a kpale a se kɛ ho Nazaret, mɛ nitsɛmɛ a ma a mi, ya ngɛ Galilea.

Luka 2:39 ပူးပေါင်းရင်းမြစ်များ

Mateo 3:15

Se Yesu he nɔ ke, “Oo, moo kplɛɛ kɛkɛ, ejakaa kikɛmɛ a blɔ nɔ nɛ wa maa gu kɛ pee Mawu suɔmi nya ní.” Kɛkɛ nɛ Yohane kplɛɛ.

Luka 1:26

Benɛ Elizabet hɔ ɔ ye nyɔhiɔ ekpa a, Mawu tsɔ bɔfo Gabriel ɔ kɛ ya Galilea ma ko nɛ a tsɛɛ Nazaret ɔ.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Luka 2:4

Yosef je Nazaret ma a mi ngɛ Galilea, nɛ e ya Betlehem ngɛ Yudea, he nɛ a fɔ Matsɛ David ngɛ ɔ. Yosef ya lejɛ ɔ, ejakaa David nina ji lɛ.

Luka 2:51

Yesu kɛ mɛ kpale a se kɛ ho Nazaret ya, nɛ e ba e he si ha mɛ. E nyɛ kɛ ní nɛ ɔmɛ tsuo to e yi mi, nɛ e susuɔ he be tsuaa be.

Luka 4:16

Enɛ ɔ se ɔ, Yesu ba Nazaret, he nɛ a lɛ lɛ ngɛ ɔ. Hejɔɔmi ligbi ɔ, e ya kpe he ɔ kaa bɔ nɛ e pɔɔ peemi ɔ. E te si, konɛ e kane ngmami ɔ,

Luka 4:23

Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.