Luka 2:37 - BAIBLO ALOO NGMAMI KLƆUKLƆU Ɔ

³⁷ nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

Somi He Ɔ

³⁷ se jeha nɛ ɔ yalɔ yo ji lɛ, nɛ e ye maa pee jeha nyingmi kpaanyɔ kɛ eywiɛ. E ji sɔlemi we ɔ kulaa, se e jaa Mawu kɛ hwɔ hami kɛ pɛɛ kpami nyɔ kɛ pia.

Luka 2:37 ပူးပေါင်းရင်းမြစ်များ

La 22:2

Ye Mawu, ke i tsɛ mo piani ɔ, o he we mi nɔ. Ke i tsɛ mo nyɔ mi hu, ja nɔuu. Mɛni he je?

La 23:6

Niinɛ, i le kaa ye wami be ɔ tsuo o maa na mi mɔbɔ, nɛ o maa pee mi kpakpa sɔuu. Nɛ mo Yawɛ, o we ɔ ji he nɛ ma hi daa.

La 27:4

Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

La 84:4

Nihi nɛ hii o we ɔ mi, nɛ laa daa kɛ jeɔ o yi ɔ, a gbaa mɛ.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

Mose II, 38:8

E pee akɔblee kã kɛ e sisi kla; e ná akɔblee ahuhuɛ ɔmɛ nɛ e kɛ pee ɔ kɛ je yi ɔmɛ nɛ sɔmɔɔ ngɛ kpe he bo tsu ɔ sinya a nya a a dɛ.

Luka 5:33

Ni komɛ ba de Yesu ke, “Yohane kaseli ɔmɛ pɔɔ hwɔ hami kɛ sɔlemi, nɛ Farisi bi ɔmɛ a kaseli ɔmɛ hu peeɔ ja nɔuu; se moo lɛɛ o kaseli ɔmɛ yeɔ ní, nɛ a nuɔ ní.”

Ni Tsumi 13:3

Kaseli ɔmɛ ha hwɔ, nɛ a sɔle, nɛ a kɛ a nine pue Barnaba kɛ Saulo a nɔ, nɛ a wo mɛ blɔ.

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

Ni Tsumi 26:7

Wa wɛtso nyɔngma kɛ enyɔ ɔmɛ a hɛ ngɛ siwo nɛ ɔ nɔ. Enɛ ɔ he je nɛ a jaa Mawu saminya nyɔ kɛ pia, konɛ a nine nɛ su Mawu siwo ɔ nɔ. Nɛnɛ, kikɛmɛ a hɛ kɛ nɔ fɔmi nɛ ɔ he je nɛ Yuda bi ɔmɛ ngɛ ye nya poe nɛ ɔ nɛ!

1 Timoteo 5:5

Yalɔyo nɛ lɛ nɔ kake too e ngɛ, nɛ e be nɔ ko nɛ maa hyɛ e nɔ ɔ, ngɔɔ e hɛ ngɔ fɔɔ Mawu nɔ. E sɔlee nyɔ kɛ pia kɛ kpaa Mawu pɛɛ nɛ e ye bua lɛ.

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.