Luka 2:35 - BAIBLO ALOO NGMAMI KLƆUKLƆU Ɔ

³⁵ nɛ e ma je a tsui mi laami sanehi kpo. Nɛ mo nitsɛ hu o maa ye kɔmɔ wawɛɛ kaa nɔ́ nɛ ha gbɔ o mi mi.”

Somi He Ɔ

³⁵ nɛ mo nitse hu, ha maa gbɔ o tsui mi; konɛ a je tsuihi fuu a susumihi kpo.”

Luka 2:35 ပူးပေါင်းရင်းမြစ်များ

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

Yohane 19:25

Yesu nyɛ, kɛ e nyɛ ɔ nyɛmiyo Maria, Klopa yo ɔ, kɛ Maria Magdalena daa si ngɛ Yesu sɛumi tso ɔ kasa nya.

La 42:10

Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Luka 2:36

Gbalɔ yo yomoyo kotokoto ko hi si nɛ a tsɛɛ lɛ Ana. E tsɛ biɛ ji Fanuel, nɛ e je Asher wɛtso ɔ mi. E kɛ e huno hi si jeha kpaago pɛ ngɛ e yihe mi,