Luka 2:27 - BAIBLO ALOO NGMAMI KLƆUKLƆU Ɔ

²⁷ Mumi ɔ ngɔ Simeon kɛ ba sɔlemi we ɔ. Yesu fɔli ɔmɛ hu ngɔ bimwɔyo ɔ kɛ ba lejɛ ɔ, konɛ a ba pee kusumi ha lɛ kaa bɔ nɛ mlaa a tsɔɔ ɔ.

Somi He Ɔ

²⁷ Nɛ Mumi ɔ kpaka lɛ kɛ ba sɔlemi we ɔ. Nɛ benɛ jokuɛ Yesu fɔli ɔmɛ kɛ lɛ ba konɛ a ba tsu bɔ nɛ ji Mlaa a blɔ nya ngɔ ha lɛ ɔ,

Luka 2:27 ပူးပေါင်းရင်းမြစ်များ

Yeremia 32:11

Kɛkɛ nɛ i kɛ̃ zugba a he womi ɔ nɛ a sɔu nya a, kɛ nɔ́ nɛ a sɔu we nya a tsuo. Womi ɔ nɛ a sɔu nya a tsɔɔ bɔ nɛ a ye zugba a nya ha, kɛ mlaa nɛ kɔɔ zugba a juami ɔ he.

Mateo 4:1

Jehanɛ ɔ, Mumi ɔ ngɔ Yesu kɛ ho nga a nɔ ya, konɛ Abosiami ya ka lɛ.

Luka 2:22

Jehanɛ ɔ, be ba su nɛ a maa pee kusumi nɛ a kɛ tsukɔ a he kaa bɔ nɛ Mose mlaa a tsɔɔ ɔ. Lɔ ɔ he ɔ, a ngɔ bimwɔyo ɔ kɛ ya Yerusalem, konɛ a kɛ lɛ ya tsɔɔ Nyɔmtsɛ ɔ

Luka 2:28

Kɛkɛ nɛ Simeon he bimwɔyo ɔ ngɔ fɔ e kɔni bɔkɔ mi, nɛ e na Mawu si, nɛ e de ke,

Luka 2:41

Daa jeha a, Yesu fɔli ɔmɛ yaa Yerusalem ya yeɔ Hetsɔmi nyami ɔ.

Luka 2:48

Benɛ e fɔli ɔmɛ na lɛ ɔ, a nya kpɛ a he; nɛ e nyɛ bi lɛ ke, “Ye bi, mɛni he je nɛ o pee wɔ kikɛ nɛ ɔ? Hyɛ, i kɛ o tsɛ kpa si hla mo kɛ hɛdɔ.”

Luka 2:51

Yesu kɛ mɛ kpale a se kɛ ho Nazaret ya, nɛ e ba e he si ha mɛ. E nyɛ kɛ ní nɛ ɔmɛ tsuo to e yi mi, nɛ e susuɔ he be tsuaa be.

Luka 4:1

Yesu kpale e se kɛ je Yordan kɛ ba, nɛ Mumi Klɔuklɔu ɔ hyi lɛ tɔ. Mumi ɔ ngɔ lɛ kɛ ya nga a nɔ,

Ni Tsumi 10:19

Se benɛ Petro ngɛ nɔ́ nɛ a je tsɔɔ lɛ ɔ he susue kɛ mwɔɔ ɔ, Mumi ɔ de lɛ ke, “Hyɛ, nyumuhi ni etɛ ngɛ mo hlae.

Ni Tsumi 11:12

Mumi ɔ de mi ke i kɛ mɛ nɛ ya, nɛ ma ko to tsle. I kɛ nyɛmimɛ ekpa nɛ ɔmɛ nɛ je Yopa a ya Kornelio we ɔ mi.

Ni Tsumi 16:7

Benɛ a ba su Misia huzu ɔ nya a, a ka kaa a maa ya Bitinia, se Yesu Mumi ɔ ha we mɛ blɔ.

Ni Tsumi 8:29

Kɛkɛ nɛ Mumi Klɔuklɔu ɔ de Filipo ke, “Nyɛɛ kɛ ya lɛ nɛ ɔ he haa.”

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Kpojemi 17:3

Mumi ɔ ba ye nɔ, nɛ bɔfo ɔ ngɔ mi kɛ ho nga nɔ ya. Kɛkɛ nɛ i na yo ko nɛ hii si ngɛ lohwe awi yelɔ tsutsuu ko nɔ. A ngma biɛhi fuu kɛ tu musu bɔmi munyuhi kɛ si Mawu ngɛ lohwe ɔ he tsuo. Lohwe ɔ ngɛ yi kpaago, kɛ koli nyɔngma.