Luka 2:26 - BAIBLO ALOO NGMAMI KLƆUKLƆU Ɔ

²⁶ Mumi Klɔuklɔu ɔ je tsɔɔ lɛ ke e be gboe kɛ yaa si e maa na Nyɔmtsɛ ɔ Kristo ɔ.

Somi He Ɔ

²⁶ Nɛ Mumi Klɔuklɔu ɔ je kpo tsɔɔ lɛ ke e be gboe ja e na Nyɔmtsɛ ɔ Kristo ɔ lolo.

Luka 2:26 ပူးပေါင်းရင်းမြစ်များ

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

Mateo 2:12

Akɛnɛ Mawu je tsɔɔ mɛ ngɛ nlami mi ke a ko kpale a se kɛ ya Herode ngɔ hu he je ɔ, a gu blɔ kpa kɛ ho a ma mi ya.

Luka 2:29

“Nyɔmtsɛ, jehanɛ lɛɛ o ye o siwo ɔ nɔ; lɔ ɔ he ɔ, ha nɛ imi, o tsɔlɔ ɔ ma gbo ngɛ tue mi jɔmi mi.

Luka 9:27

I ngɛ nyɛ dee anɔkuale mi ke, ni komɛ ngɛ nihi nɛ daa si ngɛ hiɛ ɔ a kpɛti nɛ a be gboe, kɛ yaa su be nɛ Mawu matsɛ yemi ɔ maa ba.”

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 4:29

“Nyɛɛ ba! Nyɛ ba hyɛ nyumu ko nɛ de mi níhi tsuo nɛ i pee hyɛ. Anɛ pi lɛ ji Kristo ɔ lo?”

Yohane 8:51

I ngɛ nyɛ dee anɔkuale mi ke nɔ tsuaa nɔ nɛ buu ye tsɔɔmi ɔ tue ɔ, e be gboe gblegbleegble.”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 17:3

E tsɔɔ mɛ níhi a mi faii kaa e sa kaa Kristo ɔ nɛ na amanehlu, nɛ e te si kɛ je gbeje. Paulo de mɛ hulɔ ke, “Yesu, nɛ i ngɛ e he sane jajee kɛ ngɛ nyɛ tsɔɔe nɛ ɔ, lɛ ji Kristo ɔ nɛ.”

Ni Tsumi 2:36

“Lɔ ɔ he ɔ, Israel bi tsuo nɛ́ a na nɛ a le kaa Yesu ɔ nɛ nyɛ sɛu ɔ, Mawu ngɔ lɛ ngɔ pee Nyɔmtsɛ, kɛ nɔ nɛ lɛ nitsɛ e hla!”

Ni Tsumi 9:20

E bɔni fiɛmi jamɛ a be ɔ nɔuu ngɛ kpe he ɔmɛ ke Yesu ji Mawu Bi ɔ nɛ.

Hebribi 11:5

Hemi kɛ yemi he ɔ, a ngɔ Henok kɛ ho hiɔwe ya, konɛ e ko gbo. A nɛ́ lɛ, ejakaa Mawu ngɔ lɛ kɛ je. Ngmami ɔ ye odase kaa loko a maa ngɔ lɛ kɛ ho ɔ, e pee nɔ́ nɛ sa Mawu hɛ mi.