Luka 2:25 - BAIBLO ALOO NGMAMI KLƆUKLƆU Ɔ

²⁵ Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Somi He Ɔ

²⁵ Jeha nɛ ɔ nyumu ko ngɛ Yerusalem nɛ a tsɛɛ lɛ Simeon; nɛ lɛ nyumu ɔ dalɔ ji lɛ nɛ e yee Mawu gbeye; e ngɛ Israel bua jɔmi ɔ blɔ hyɛe, nɛ Mumi Klɔuklɔu ngɛ e nɔ.

Luka 2:25 ပူးပေါင်းရင်းမြစ်များ

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Luka 2:38

Jamɛ a ngmlɛfia a nɔuu ɔ, Ana hu ba lejɛ ɔ. E ba je Mawu yi, nɛ e tu bimwɔyo ɔ he munyu ngɔ tsɔɔ nihi tsuo nɛ ngɛ Mawu blɔ hyɛe nɛ e kpɔ Yerusalem ma a.

Luka 1:41

Benɛ Elizabet nu nɛ Maria nga lɛ ɔ, bimwɔyo ɔ hua ngɛ e mi mi. Mumi Klɔuklɔu ɔ ba Elizabet nɔ,

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.

Yesaya 40:1

Bɔ nɛ wa Mawu ɔ ngɛ dee ji nɛ ɔ nɛ: “Nyɛɛ jɔɔ ye ma a bua! Ee, nyɛɛ jɔɔ ye ma a bua!

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Ni Tsumi 10:2

Mawu jalɔ ji lɛ, nɛ e kɛ e we ɔ tsuo yee Mawu gbeye. E peeɔ mami bi dɛgutsɛmɛ ɔmɛ kpakpa hulɔ, nɛ e kpaa Mawu pɛɛ daa.

Luka 1:67

Mumi Klɔuklɔu ɔ ba Yohane tsɛ Zakaria nɔ, nɛ e gba ke,

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Hiob 1:8

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ.”

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

Mose IV, 11:29

Se Mose he nɔ ke, “Imi lɛ o ngɛ hunga jee ha nɛ ɔ? I na jinɛ Yawɛ ngɔ e mumi ɔ ngɔ ha e ma a tsuo, nɛ mɛ tsuo a kpa ngmlaa kaa gbali!”

Mose I, 6:9

Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní.

Mose IV, 11:25

Kɛkɛ nɛ Yawɛ kple si kɛ je bɔku mi kɛ ba, nɛ e kɛ Mose ba tu munyu. E je mumi nɛ ngɛ Mose mi ɔ eko kɛ ha ma nimeli nyingmi kpaago ɔmɛ. Benɛ mumi ɔ ba a nɔ ɔ, a bɔni ngmlaa kpami kaa gbali; se nɔ́ nɛ ɔ se kɛ we.

Mose V, 18:15

Se mohu, Yawɛ nyɛ Mawu ɔ ma je gbalɔ ko nɛ ngɛ kaa imi kɛ je nyɛ nyɛmimɛ ɔmɛ a kpɛti ha nyɛ, nɛ lɛ tue nyɛɛ bu.

Ni Tsumi 2:5

Yuda bi komɛ nɛ yee Mawu gbeye ngɛ Yerusalem jamɛ a be ɔ mi. A je je ma amɛ tsuo a mi.