Luka 2:20 - BAIBLO ALOO NGMAMI KLƆUKLƆU Ɔ

²⁰ To hyɛli ɔmɛ kpale a se kɛ ho. Benɛ a yaa a tsuo a ngɛ lae kɛ ngɛ Mawu yi jee ngɛ níhi nɛ a nu, kɛ níhi nɛ a na a he. Nɔ́ nɛ bɔfo ɔ sɛɛ ha mɛ ɔ, lɔ ɔ tutuutu nɛ a ya na a nɛ.

Somi He Ɔ

²⁰ Nɛ to hyɛli ɔmɛ kpale a se nɛ a wo Mawu hɛ mi nyami, nɛ a je e yi ngɛ nihi tsuo kulaa nɛ a nu nɛ a na a he, kaa bɔ nɛ a sɛɛ ngɔ ha mɛ ɔ.

Luka 2:20 ပူးပေါင်းရင်းမြစ်များ

La 106:48

Nyɛ je Yawɛ, Israel Mawu ɔ yi; nyɛ je e yi kɛ je neneene kɛ ya neneene. Nyɛ ha nɛ ma a tsuo nɛ de ke, “Amen!” Nyɛ je Yawɛ yi.

La 107:15

E sa kaa nimli nɛ ɔmɛ nɛ a na Yawɛ si, ejakaa e tsu nyakpɛ níhi ha mɛ; e suɔmi ɔ ngɛ daa.

La 107:21

E sa kaa nimli nɛ ɔmɛ nɛ a na Yawɛ si, ejakaa e tsu nyakpɛ níhi ha mɛ; e suɔmi ɔ ngɛ daa.

La 107:8

E sa kaa nimli nɛ ɔmɛ nɛ a na Yawɛ si; ejakaa e tsu nyakpɛ níhi ha mɛ; e suɔmi ɔ ngɛ daa.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Mateo 9:8

Benɛ ma kpekpemi ɔ na nɔ́ nɛ ɔ, a nya kpɛ a he, nɛ a je Mawu yi kaa e ha nɔmlɔ adesa he wami kaa kikɛ nɛ ɔ.

Marko 1:7

E fiɛ ha ni ɔmɛ ke, “Nɔ nɛ ma ngɛ ye se ɔ kle kulaa pe mi; e tokota nya kpa tete po i sɛ nɔ nɛ kplaa si nɛ e pɛneɔ.

Luka 18:43

Amlɔ ɔ nɔuu ɔ, e bɔni nɔ́ hyɛmi, nɛ e nyɛɛ Yesu se, nɛ e ngɛ Mawu yi jee. Benɛ nimli kpekpemi ɔ na nɔ́ nɛ ba a, mɛ tsuo a je Mawu yi.

Ni Tsumi 11:18

Benɛ a nu munyu nɛ ɔmɛ ɔ, a nya mi jɔ, nɛ a wo Mawu hɛ mi nyami mohu, nɛ a de ke, “Lɛɛ ma je li ɔmɛ hu Mawu ha mɛ he blɔ kaa a tsake a tsui, konɛ a he a yi wami!”