Luka 2:11 - BAIBLO ALOO NGMAMI KLƆUKLƆU Ɔ

¹¹ Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Somi He Ɔ

¹¹ kaa mwɔ nɛ ɔ a fɔ yi wami helɔ nɛ ji Kristo, Nyɔmtsɛ ɔ, ngɔ ha nyɛ ngɛ David ma a mi.

Luka 2:11 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Mateo 1:16

Yakob fɔ Yosef nɛ ji Yesu nɛ a tsɛɛ nyɛ Maria huno ɔ. Kristo ɔ.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 16:20

Kɛkɛ nɛ Yesu ka e kaseli ɔmɛ kita ke a ko de nɔ ko nɔ ko ke lɛ ji Kristo ɔ.

Luka 1:43

Kɛ ba lɛ kɛɛ nɛ a ha mi he blɔ nguaa nɛ ɔ, kaa ye Nyɔmtsɛ ɔ nyɛ ma ba slaa mi?

Luka 1:69

E je kpɔlɔ kpanaa nɛ ji e tsɔlɔ David nina ha wɔ.

Luka 2:26

Mumi Klɔuklɔu ɔ je tsɔɔ lɛ ke e be gboe kɛ yaa si e maa na Nyɔmtsɛ ɔ Kristo ɔ.

Luka 2:4

Yosef je Nazaret ma a mi ngɛ Galilea, nɛ e ya Betlehem ngɛ Yudea, he nɛ a fɔ Matsɛ David ngɛ ɔ. Yosef ya lejɛ ɔ, ejakaa David nina ji lɛ.

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Yohane 11:27

Marta he nɔ ke, “Ee Nyɔmtsɛ, i heɔ yeɔ kaa mo ji Kristo ɔ nɛ! Mo ji Mawu Bi ɔ nɛ ma je ɔ mi ɔ nɛ.”

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 4:25

Yo ɔ de lɛ ke, “I le kaa Mesia a nɛ a tsɛɛ lɛ Kristo ɔ ma, nɛ ke e ba a, e maa tsɔɔ wɔ nɔ́ tsuaa nɔ́.”

Yohane 4:42

Kɛkɛ nɛ a de yo ɔ ke, “Jehanɛ lɛɛ pi o munyu ɔ nya hu nɛ wa heɔ yeɔ kaa nɔmlɔ nɛ ɔ ji je ɔ yi wami helɔ ɔ, se mohu nɔ́ nɛ wɔ nitsɛmɛ wa nu kɛ wa tue kɛ je lɛ nitsɛ e nya a he.”

Yohane 6:69

Amlɔ nɛ ɔ, wɔɔ lɛɛ wa he ye, nɛ wa na le hulɔ kaa mo ji Mawu Nɔ Klɔuklɔu ɔ nɛ.”

Yohane 7:41

Ni komɛ hu de ke, “Lɛ ji Mesia a nɛ.” Se ni kpa komɛ lɛɛ a bi ke, “Mesia a, Galilea nɛ e maa je lo?

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 13:23

David nina ji Yesu, nɔ nɛ Mawu hla nɛ e ba he Israel ma a yi wami kaa bɔ nɛ e wo si ɔ.

Ni Tsumi 17:3

E tsɔɔ mɛ níhi a mi faii kaa e sa kaa Kristo ɔ nɛ na amanehlu, nɛ e te si kɛ je gbeje. Paulo de mɛ hulɔ ke, “Yesu, nɛ i ngɛ e he sane jajee kɛ ngɛ nyɛ tsɔɔe nɛ ɔ, lɛ ji Kristo ɔ nɛ.”

Ni Tsumi 2:36

“Lɔ ɔ he ɔ, Israel bi tsuo nɛ́ a na nɛ a le kaa Yesu ɔ nɛ nyɛ sɛu ɔ, Mawu ngɔ lɛ ngɔ pee Nyɔmtsɛ, kɛ nɔ nɛ lɛ nitsɛ e hla!”

Ni Tsumi 5:31

Mawu wo e nɔ, nɛ e ngɔ lɛ kɛ to e hiɔ nɔ, nɛ e pee lɛ hɛ mi nyɛɛlɔ, kɛ kpɔlɔ, konɛ Israel bi nɛ a ná he blɔ nɛ a tsake a tsui, nɛ a ngɔ a he yayami ɔmɛ kɛ pa mɛ.

1 Korintobi 15:47

Kekleekle Adam ɔ, zugba zu a kɛ bɔ lɛ; Adam enyɔne ɔ lɛɛ hiɔwe nɛ e je.

Filipibi 2:11

nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Kolosebi 2:6

Akɛnɛ nyɛ he Kristo Yesu kaa nyɛ Nyɔmtsɛ ɔ, nyɛɛ ya nɔ nyɛɛ kɛ lɛ nɛ pee kake.

1 Yohane 4:14

Wa na enɛ ɔ, nɛ wa ngɛ odase yee kaa Tsɛ ɔ tsɔ e Bi ɔ kɛ ba kaa je ɔ yi wami helɔ.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.