Luka 2:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ mi ɔ, Kaisare Augusto fa ke a kane nihi tsuo nɛ ngɛ Roma nɔ yemi he ɔ, nɛ a ngma a biɛ.

Somi He Ɔ

¹ Jamɛ a be ɔ mi ɔ, e ba mi kaa hiɔngɔ ko je Kaisare Augusto ngɔ ba ke a kane je ɔ tsuo nɛ a ngma.

Luka 2:1 ပူးပေါင်းရင်းမြစ်များ

Ester 10:1

Matsɛ Ahasuerus ha nɛ nihi nɛ ngɛ e nɔ yemi he ɔ ngɛ wo nya je, kɛ hue mi je tsuo tsu ní kpakpataa.

Mateo 22:17

Lɔ ɔ he ɔ, de wɔ; kɛ o susuu kɛɛ? Anɛ mlaa ngmɛɛ blɔ kaa a tsu tó ha Kaisare ɔ, aloo a ko tsu?”

Mateo 24:14

Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Marko 14:9

Niinɛ, i ngɛ nyɛ dee ke, he tsuaa he nɛ a maa fiɛ sane kpakpa a ngɛ ngɛ je ɔ mi tsuo ɔ, a maa sɛɛ nɔ́ nɛ yo nɛ ɔ pee nɛ ɔ hu kɛ kai lɛ.”

Marko 16:15

Kɛkɛ nɛ e de mɛ ke, “Nyɛɛ ya je ɔ mi tsuo nɛ nyɛ ya fiɛ sane kpakpa a ngɔ tsɔɔ nimli adesahi tsuo.

Luka 2:3

Lɔ ɔ he ɔ, nɔ tsuaa nɔ ho lɛ nitsɛ e ma mi ya, konɛ a ya ngma e biɛ.

Luka 2:5

E ya, konɛ e kɛ Maria, yo nɛ a bi si ha lɛ ɔ tsuo nɛ a ya ngma a biɛ.

Luka 3:1

Roma matsɛ Tiberio yi nɔ jeha nyɔngma kɛ enuɔne ɔ, Pontio Pilato ngɛ amlaalo yee ngɛ Yudea, nɛ Herode ngɛ amlaalo nɔkɔtɔma yee ngɛ Galilea. Herode nyɛmi Filipo ngɛ amlaalo nɔkɔtɔma yee ngɛ Iturea, kɛ Trakoniti zugba a nɔ, nɛ Lisania ngɛ amlaalo nɔkɔtɔma yee ngɛ Abileene.

Ni Tsumi 11:28

A ti nɔ ko nɛ a tsɛɛ lɛ Agabo ɔ te da si, nɛ Mumi ɔ ha nɛ e gba nɛ e de ke hwɔ nguaa ko ma ba te si ngɛ je ɔ mi tsuo. Hwɔ ba niinɛ ngɛ Kaisare Klaudio yi nɔ.

Ni Tsumi 25:11

Ke i ye sane yaya ko, nɛ i pee nɔ́ nɛ sa gbenɔ ɔ, i de we ke a ngmɛɛ ye he. Se ke sanehi nɛ ni nɛ ɔmɛ ngɔ kɛ ngɛ ye nya poe nɛ ɔ be mi ɔ, nɔ ko be nyɛe maa ngɔ mi ngɔ wo a dɛ mi. I suɔ kaa Kaisare ɔ nitsɛ nɛ ye ye sane ɔ.”

Ni Tsumi 25:21

Se Paulo de ke e ngɔ e sane ɔ kɛ ha Kaisare ɔ nɛ e ye ha lɛ. E suɔ kaa a bu e he kɛ yaa si Kaisare ɔ nitsɛ maa hyɛ e sane ɔ mi. Lɔ ɔ he ɔ, i fa ke a ngɔ lɛ ngɔ to, nɛ́ a bu e he kɛ yaa su be nɛ ma ha nɛ a ngɔ lɛ kɛ ya Kaisare ɔ ngɔ.”

Romabi 1:8

Kekleekle ɔ, i gu Yesu Kristo nɔ kɛ ngɛ ye Mawu ɔ si nae ngɛ nyɛ tsuo nyɛ he, ejakaa a ngɛ hemi kɛ yemi nɛ nyɛ hɛɛ mi ɔ he odase yee ngɛ je ɔ mi he tsuaa he.

Filipibi 4:22

Ni klɔuklɔu ɔmɛ tsuo nɛ a ngɛ hiɛ ɔ ke a biɔ nyɛ, titli ɔ, Kaisare ɔ we ɔ mi bi ɔmɛ.