Luka 19:9 - BAIBLO ALOO NGMAMI KLƆUKLƆU Ɔ

⁹ Yesu de lɛ ke, “Yi wami hemi ba we nɛ ɔ mi mwɔnɛ ɔ; ejakaa nyumu nɛ ɔ hu Abraham nina ji lɛ.

Somi He Ɔ

⁹ Nɛ Yesu de lɛ ke: “Mwɔnɛ yi wami hemi ba we nɛ ɔ mi, ejakaa lɛ hu Abraham bi ji lɛ.

Luka 19:9 ပူးပေါင်းရင်းမြစ်များ

Galatabi 3:7

Lɔ ɔ he ɔ, nyɛ ná nyɛɛ le kaa nihi nɛ heɔ Mawu yeɔ ɔ, mɛ ji Abraham nina.

Luka 13:16

Hyɛ, yo nɛ ɔ, Abraham nina ji lɛ, nɛ Satan bɔ lɛ pã jeha nyɔngma kɛ kpaanyɔ sɔuu. Anɛ e sɛ kaa a jeɔ lɛ ngɛ pã mi Hejɔɔmi ligbi ɔ lo?”

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.

Galatabi 3:29

Ke Kristo we bi ji nyɛ ɔ, lɛɛ Abraham nina ji nyɛ, nɛ si nɛ Mawu wo ɔ nya a, nyɛ peeɔ gbosi ní yeli.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Luka 3:8

Ke nyɛ tsake nyɛ tsui niinɛ ɔ, lɛɛ nyɛɛ pee níhi nɛ tsɔɔ kaa nyɛ tsake nyɛ tsui. Nyɛ ko susu kaa ke nyɛ de ke nyɛ nɛ̃ ji Abraham ɔ kɛkɛ tue gblami ko be nyɛ nɔ bae. I ngɛ nyɛ dee ke Mawu ma nyɛ ngɔ tɛ nɛ ɔmɛ kɛ pee Abraham nina!

Luka 2:30

Ejakaa kpɔlɔ ɔ nɛ o wo si ke o ma ha je ɔ, i na lɛ kɛ imi nitsɛ ye hɛ ngmɛ paa.

Luka 13:30

Jamɛ a be ɔ, nihi nɛ kpɛ se amlɔ nɛ ɔ maa pee kekletsɛmɛ, nɛ ni nɛmɛ nɛ ye kekle blɔ he amlɔ nɛ ɔ maa pee sekpɛtsɛmɛ.”

Luka 16:24

Kɛkɛ nɛ niatsɛ ɔ kɛ ngmlaa de ke, ‘Tsaatsɛ Abraham lee! I ngɛ nɔ́ nae tsɔ ngɛ la nɛ ɔ mi! Lɔ ɔ he ɔ, naa mi mɔbɔ oo, naa mi mɔbɔ! Mao tsɔ Lazaro nɛ e ngɔ e nine nguɛ nya ya sɔ nyu mi, nɛ e kɛ ba jɔɔ ye lilɛ he ha mi oo, i kpa mo pɛɛ!’

Luka 16:30

Niatsɛ ɔ he nɔ ke, ‘Tsaatsɛ Abraham, dɛbi; ye nyɛmimɛ ɔmɛ be mɛ tue bue. Se ke nɔ ko je gbeje kɛ ya a ngɔ ɔ, lɔ ɔ loko a ma tsake a tsui.’