Luka 19:8 - BAIBLO ALOO NGMAMI KLƆUKLƆU Ɔ

⁸ Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”

Somi He Ɔ

⁸ Se Zakeo da si nɛ e de Nyɔmtsɛ ke: “Nyɔmtsɛ, oʼɛ, ma ngɔ ye nihi fa ngɔ ke ohiafohi, nɛ ke i kɛ yaka nya pomi kpɔ nɔ ko nɔ́ ko ngɛ e dɛ ɔ, ma ku ngɔ bɔ he si eywiɛ ha lɛ.”

Luka 19:8 ပူးပေါင်းရင်းမြစ်များ

Samuel II, 12:6

Jehanɛ se hu, kaa e nyɛ pee nɔ́ nɛ ɔ nɛ mɔbɔ nami ko be e mi ɔ, e sa kaa e to jijɔ bi ɔ nane mi totoe eywiɛ.”

La 41:1

A gbaa nɔ nɛ susuɔ nihi nɛ a ní ngɛ mɔbɔ a he; ke haomi ba e nɔ ɔ, Yawɛ maa piɛ e he.

Mose II, 20:16

“Koo ye lakpa odase kɛ si o nyɛmi.

Abɛ Womi 6:31

Ke a nu lɛ ɔ, e maa ngɔ e weto ní tsuo tete kɛ to nane mi ha nɔtsɛ ɔ totoe kpaago kɛ bɔ he.

Ezekiel 33:15

Lɔ ɔ ji kaa nɔ́ ko nɛ a kɛ ba to awaba ngɛ e ngɔ ɔ, e kpale kɛ ya ha nɔtsɛ; aloo nɔ́ ko nɛ e ya ju ɔ, e kpale ya ha nɔtsɛ. Ke e kpa yayami peemi, nɛ e bɔni mlaahi nɛ haa nɔ wami ɔ a nɔ yemi ɔ, e be gboe; e yi ma na wami.

Mose IV, 5:7

e jaje yayami nɛ e pee ɔ, nɛ e to e yayami ɔ nane mi sisiisi. Jehanɛ, e ngɔ nane mi tomi nɔ́ ɔ mi dlami enuɔ mi kake kɛ bɔ he ha nɔ nɛ nɔ nɛ e tɔ ɔ.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Luka 16:9

Yesu ya nɔ de ke, “Lɔ ɔ he ɔ, ma de nyɛ ke nyɛɛ pee ja lo? Ma de nyɛ ke nyɛɛ pee huɛmɛ kɛ gu sisimi blɔ nɔ lo? Anɛ enɛ ɔ ma ha nɛ nyɛ ma na blɔ kɛ ya sihi he nɛ ngɛ kɛ yaa neneene ɔ lo?

Luka 19:7

Nihi tsuo nɛ na nɔ́ nɛ ɔ, tu munyu huitihuiti ke, “Nyumu nɛ ɔ ya to yayami peelɔ we mi.”

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Luka 7:19

nɛ e tsɔ mɛ Nyɔmtsɛ Yesu ngɔ ke a ya bi lɛ ke, “Mo lɛ a de ke o ma a, aloo waa hyɛ nɔ kpa blɔ?”

Samuel I, 12:3

Imi ji nɛ ɔ nɛ. Ke i pee nɔ́ ko nɛ dɛ ɔ, nyɛɛ po ye nya ngɛ Yawɛ, kɛ nɔ nɛ a wo lɛ matsɛ ɔ a hɛ mi. Anɛ i kpɔ nɔ ko na, loo nɔ ko teji? Anɛ i ye nɔ ko amimi, aloo i wa nɔ ko yi mi? Anɛ i he nyɔ mi ní ngɛ nɔ ko dɛ bɔ nɛ pee nɛ ma ye e sane ɔ ha lɛ lo? Nyɛ de, konɛ ma to nyɛ nane mi.”