Luka 19:6 - BAIBLO ALOO NGMAMI KLƆUKLƆU Ɔ

⁶ Zakeo he sɔ kɛ kple si, nɛ e fua Yesu atuu.

Somi He Ɔ

⁶ Nɛ Zakeo he sɔ kɛ kple si nɛ e fua Yesu atuu.

Luka 19:6 ပူးပေါင်းရင်းမြစ်များ

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Luka 19:5

Benɛ Yesu ba su lejɛ ɔ, e wo e yi nɔ nɛ e de Zakeo ke, “Zakeo, o he nɛ sɔ nɛ o kple si, ejakaa o we ɔ mi nɛ ma to mwɔnɛ ɔ.”

Luka 19:7

Nihi tsuo nɛ na nɔ́ nɛ ɔ, tu munyu huitihuiti ke, “Nyumu nɛ ɔ ya to yayami peelɔ we mi.”

Luka 2:16

Kɛkɛ nɛ a ho nɔuu, nɛ a ya na Maria, kɛ Yosef, kɛ bimwɔyo ɔ hu nɛ hwɔɔ si ngɛ lohwehi a niye ní daka a mi.

Luka 5:29

Levi ngmɛ okplɔɔ nguaa ngɛ e we ɔ mi kɛ wo Yesu hɛ mi nyami, nɛ tó tsuli, kɛ ni kpahi fuu kɛ mɛ ba ye ní.

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

Ni Tsumi 16:34

Kɛkɛ nɛ e ngɔ Paulo kɛ Sila kɛ ya e we ɔ mi, nɛ e ya ha mɛ ní nɛ a ye. E kɛ e we ɔ tsuo nya kaa jehanɛ ɔ e he Mawu ye.

Ni Tsumi 2:41

Nihi babauu he e sɛ gbi ɔ ye, nɛ a sɔle mɛ. Jamɛ a ligbi ɔ, a na nimli maa pee akpe etɛ kɛ piɛ a he.