Luka 19:47 - BAIBLO ALOO NGMAMI KLƆUKLƆU Ɔ

⁴⁷ Daa ligbi ɔ, Yesu ya tsɔɔ ní ngɛ sɔlemi we ɔ. Osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ hlaa kaa a maa gbe lɛ.

Somi He Ɔ

⁴⁷ Nɛ Yesu ya tsɔɔ ni daa ngɛ sɔlemi we ɔ; se osɔfo nikɔtɔma amɛ kɛ mlaa tsɔɔli ɔmɛ kɛ ma a mi nikɔtɔma amɛ ngɛ hlae nɛ a kpata e hɛ mi;

Luka 19:47 ပူးပေါင်းရင်းမြစ်များ

Marko 11:18

Osɔfo nikɔtɔma amɛ, kɛ mlaa tsɔɔli ɔmɛ nu nɔ́ nɛ e de ɔ, lɔ ɔ he ɔ, a bɔni hlami bɔ nɛ a maa pee nɛ a kpata e hɛ mi. Se a ngɛ lɛ gbeye yee, ejakaa bɔ nɛ e ngɛ mɛ ní tsɔɔe ɔ, ma kpekpemi ɔ tsuo a he mi po.

Mateo 26:55

Jehanɛ ɔ, Yesu kɛ ma kpekpemi ɔ tu munyu nɛ e de ke, “Imi lɛ nyɛ ma numi kɛ klaatehi kɛ tso kpotihi kaa a nuu ojo fialɔ ɔ? Daa nɛ ɔ, i hii sɔlemi we ɔ, nɛ i tsɔɔ ní, se nyɛ nui mi.

Yohane 18:20

Yesu he nɔ ke, “I tuɔ munyu paa kɛ haa nɔ tsuaa nɔ. Daa nɛ ɔ, i tsɔɔ ní ngɛ kpe he ɔmɛ, kɛ sɔlemi we ɔ he nɛ Yuda bi kulaa kpee ngɛ ɔ, nɛ i de we nɔ́ ko nɔ́ ko ngɛ laami mi gblee.

Yohane 10:39

A ka ekohu kaa a maa nu Yesu, se a nyɛ we; nɛ e je a dɛ mi slɔkee.

Yohane 7:44

Ni komɛ pee kaa a maa nu Yesu, se nɔ ko nɔ ko nyɛ we nɛ e ta e he.

Yohane 7:19

Pi Mose nɛ wo nyɛ mlaa a? Nɛ nyɛ ti nɔ ko nɔ ko yi nɔ ɔ? Mɛni he je nyɛ ngɛ hlae nɛ nyɛɛ gbe mi ɔ?”

Marko 14:1

Benɛ e piɛ ligbi enyɔ nɛ a maa ye Hetsɔmi ɔ, kɛ Abolokplolo nyami be ɔ, osɔfo nikɔtɔma amɛ, kɛ mlaa tsɔɔli ɔmɛ hla bɔ nɛ a maa pee nɛ a nu Yesu ga mi nɛ a gbe lɛ.

Marko 12:12

Yuda ma nimeli ɔmɛ pee kaa a maa nu Yesu, ejakaa a le kaa a he nɛ e bu kikɛmɛ a abɛ nɛ ɔ nɛ. Se a ngɛ ma kpekpemi ɔ gbeye yee; lɔ ɔ he ɔ, a si lɛ nɛ a je.

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Marko 14:49

Daa nɛ i kɛ nyɛ ngɛ sɔlemi we ɔ, nɛ́ i tsɔɔ nyɛ ní ɔ, lɔ ɔ lɛɛ nyɛ nui mi; se e sa kaa nɔ nɛ a ngma a nɛ ba mi.”

Luka 19:48

Se a li blɔ nɔ nɛ a maa gu kɛ pee ja; ejakaa ma a tsuo ngɛ e munyu ɔ tue bue kɛ mwɔɔ, nɛ a sume kaa a ma si lɛ.

Luka 20:19

Mlaa tsɔɔli ɔmɛ, kɛ osɔfo nikɔtɔma amɛ hla kaa a maa nu Yesu jamɛ a ngmlɛfia a mi nɔuu; ejakaa a na kaa a he munyu lɛ e tu ɔ nɛ. Se a ya ye ma a gbeye.