Luka 19:44 - BAIBLO ALOO NGMAMI KLƆUKLƆU Ɔ

⁴⁴ A ma kpata o hɛ mi pɛsɛpɛsɛ, nɛ nihi nɛ ngɛ ma a mi hu a maa gbe mɛ tsuo; a be tɛ kake po sie ngɛ e blɔ he. Ní nɛ ɔmɛ tsuo maa ba o nɔ, ejakaa be ɔ nɛ Mawu ba nɛ e ba kpɔ mo ɔ, o kplɛɛ we.”

Somi He Ɔ

⁴⁴ nɛ a maa ngɔ mo ngɔ fia si kɛ o bimɛ nɛ ngɛ o mi ɔ, nɛ a be tɛ kake sie ngɛ eko nɔ ngɛ o mi, ejakaa o yo we o slaami be ɔ!”

Luka 19:44 ပူးပေါင်းရင်းမြစ်များ

La 137:9

A gbaa nɔ nɛ maa ngɔ o bimɛ tsɔwitsɔwi ɔmɛ kɛ fiaa tɛ sa.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 29:3

Mawu ma ba tua ma a, nɛ e ma sa ma a yi; a maa fia kpoku gojogojoohi kɛ wo e he ka.

Yeremia 11:23

Be nɛ ma ngɔ amanehlu kɛ ba Anatot bi ɔmɛ a nɔ ɔ, i to momo. Ke jamɛ a be ɔ su ɔ, a ti nɔ ko nɔ ko he be mi jee.”

Kɔmɔ Yemi 1:8

Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Mateo 24:2

Se Yesu de mɛ ke, “Tse nyɛ ngɛ ní nɛ ɔmɛ tsuo hyɛe? Niinɛ, i ngɛ nyɛ dee ke, a maa ku tsu nɛ ɔmɛ tsuo pue si nɛ a be tɛ kake po sie ngɛ eko nɔ.”

Marko 13:2

Yesu he nɔ ke, “O ngɛ tsu nguangua nɛ ɔmɛ hyɛe? A be tɛ kake sie ngɛ eko nɔ; a ma tsitsɛɛ eko tsuaa eko ngɔ fia si!”

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Luka 1:78

Wa Mawu ɔ mi mi jɔ, nɛ e naa mɔbɔ. E ma kpɔ wɔ kaa bɔ nɛ mɔtu pu la fieɔ diblii kɛ yaa se ɔ.

Luka 19:42

nɛ e de ke, “I na nɛ mwɔnɛ ligbi nɛ ɔ, o le níhi nɛ hia mo loko o ma na tue mi jɔmi! Se a ngɔ laa mo!

Luka 21:6

“Enɛ ɔmɛ tsuo nɛ nyɛ ngɛ hyɛe nɛ ɔ, be ma nɛ a maa tsɛ̃ ngɔ fia si bum! A be tɛ ngmelu kake po sie ngɛ e blɔ he.”

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.