Luka 19:42 - BAIBLO ALOO NGMAMI KLƆUKLƆU Ɔ

⁴² nɛ e de ke, “I na nɛ mwɔnɛ ligbi nɛ ɔ, o le níhi nɛ hia mo loko o ma na tue mi jɔmi! Se a ngɔ laa mo!

Somi He Ɔ

⁴² nɛ e ke: “E ji ngɛ o ligbi nɛ ɔ nɔ ɔ, o na le nihi nɛ hi ha o he jɔmi jinɛ saii! Se jeha nɛ ɔ a ngɔ laa mo.

Luka 19:42 ပူးပေါင်းရင်းမြစ်များ

La 32:6

Lɔ ɔ he ɔ, e sa kaa o ni klɔuklɔu ɔmɛ tsuo nɛ a fa kue ha mo ngɛ a fimi behi a mi. Ke haomi ba babauu kaa nyu nɛ ywia nga po, e be a he sae.

La 81:13

I na nɛ ye ma a bu mi tue; i na nɛ Israel bi ɔmɛ nyɛɛ ye se!

Yesaya 44:18

Nɔ́ nɛ a ngɛ pee ɔ, a li, nɛ a nui sisi hulɔ. A nga a hɛngmɛ, konɛ a ko hyɛ nɔ́, a tsi a juɛmi nya, konɛ a ko nu nɔ́ sisi.

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Luka 19:43

Be ma nɛ o he nyɛli ɔmɛ ma sa o yi kɛ kpe; a maa tsi blɔhi tsuo ngɛ ma a mi, nɛ a ma tua mo kɛ je he slɔɔtohi.

Luka 19:44

A ma kpata o hɛ mi pɛsɛpɛsɛ, nɛ nihi nɛ ngɛ ma a mi hu a maa gbe mɛ tsuo; a be tɛ kake po sie ngɛ e blɔ he. Ní nɛ ɔmɛ tsuo maa ba o nɔ, ejakaa be ɔ nɛ Mawu ba nɛ e ba kpɔ mo ɔ, o kplɛɛ we.”

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 13:46

Se Paulo kɛ Barnaba tu munyu kɛ kã ke, “Nyɛ kekle e sa kaa a jajeɔ Mawu munyu ɔ ngɔ tsɔɔ. Se akɛnɛ nyɛ kua munyu ɔ, nɛ nyɛ bui nyɛ he kaa nyɛ sa neneene wami ɔ he je ɔ, wa dɔ wa yi kɛ yaa ma je li ɔmɛ a ngɔ.

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Hebribi 3:13

Mohu ɔ, nyɛɛ kɛ nyɛ sibi nɛ tu he wami womi munyu daa ligbi nɛ nyɛ ma nyɛ ma de ke “mwɔnɛ ɔ.” Kɛkɛ ɔ, yayami be nyɛ ti nɔ ko sisie nɛ e gbo Mawu tue.

Hebribi 3:15

Kaa bɔ nɛ ngmami ɔ deɔ ɔ, “Mwɔnɛ ɔ, ke nyɛ nu e gbi ɔ, nyɛ ko wa tue kaa bɔ nɛ nyɛ nɛmɛ ɔmɛ pee benɛ a tsɔ Mawu hɛ mi atuã a.”

Hebribi 3:7

Lɔ ɔ he ɔ, kaa bɔ nɛ Mumi Klɔuklɔu ɔ deɔ ɔ, “Mwɔnɛ ɔ, ke nyɛ nu e gbi ɔ,