Luka 19:20 - BAIBLO ALOO NGMAMI KLƆUKLƆU Ɔ

²⁰ “Tsɔlɔ kpa hu ba ba de ke, ‘Nyɔmtsɛ, o sika tsu ɔ ji nɛ ɔ nɛ i fi ngɔ wo duku mi ngɔ to.

Somi He Ɔ

²⁰ Nɛ nɔ kake ɔ hu ba ba de ke: ‘Nyɔmtsɛ, oʼɛ o sika a nɛ i fi ngɔ wo duku mi ngɔ to ɔ ji nɛ ɔ nɛ;

Luka 19:20 ပူးပေါင်းရင်းမြစ်များ

Mateo 25:24

“Nɔ nɛ na sika tsu yi akpe ɔ hu ba, nɛ e ba de ke, ‘Nyɔmtsɛ, i le mo kaa o yi mi wa; o kpaa ní ngɛ he nɛ o du we ní ngɛ, nɛ o buaa ní nya ngɛ he nɛ o fĩa we ní ngɛ.

Luka 19:13

Loko e je ɔ, e tsɛ e tsɔli ɔmɛ a ti ni nyɔngma, nɛ e ha nɔ tsuaa nɔ sika tsu kpɔ kakaaka. E de mɛ ke, ‘Nyɛɛ ngɔ sika nɛ ɔ kɛ tsu ní kɛ yaa su be nɛ ma ba.’

Luka 19:19

Nyɔmtsɛ ɔ de lɛ hu ke, ‘O maa ye ma enuɔ nɔ.’

Luka 19:21

I ya ye mo gbeye, ejakaa o yi mi wa. Nɔ́ nɛ pi o nɔ́ kɛkɛ o ngɔ; nɔ́ nɛ o du we kɛkɛ o ya kpa.’

Luka 3:9

Amlɔ nɛ ɔ, gbiɛ ɔ fɔɔ si ngɛ tso si poku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.”

Luka 6:46

“Mɛni he je nyɛ tsɛɔ mi ‘Nyɔmtsɛ’, se níhi nɛ i deɔ nyɛ ke nyɛɛ pee lɛɛ nyɛ pee we ɔ?

Yohane 11:44

Kɛkɛ nɛ gbogboe ɔ je kpo. Bo nɛ a kɛ pu lɛ ɔ blaa e nine kɛ e nane, nɛ duku fi e hɛ mi. Yesu de mɛ ke, “Nyɛɛ pɛne lɛ nɛ nyɛ ha e ya.”

Yohane 20:7

kɛ duku nɛ a kɛ fi e yi ɔ hulɔ. Duku ɔ be kploba amɛ a kasa nya; se mohu a ku mi kɛ fɔ si ngɛ he ko banee.

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.