Luka 19:13 - BAIBLO ALOO NGMAMI KLƆUKLƆU Ɔ

¹³ Loko e je ɔ, e tsɛ e tsɔli ɔmɛ a ti ni nyɔngma, nɛ e ha nɔ tsuaa nɔ sika tsu kpɔ kakaaka. E de mɛ ke, ‘Nyɛɛ ngɔ sika nɛ ɔ kɛ tsu ní kɛ yaa su be nɛ ma ba.’

Somi He Ɔ

¹³ E tsɛ e sɔmɔli nyɔngma nɛ e je cedi nyingmi enyɔ ngɔ ha mɛ; nɛ e de mɛ ke: ‘Nyɛ plɛ he kɛ ya su ma ba.’

Luka 19:13 ပူးပေါင်းရင်းမြစ်များ

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.

Mateo 25:20

Tsɔlɔ ɔ nɛ na sika tsu yi akpe enuɔ ɔ ba, nɛ e kɛ akpe enuɔ kpa hu ba bɔ he. Nɛ e ke, ‘Nyɔmtsɛ, o ha mi sika tsu yi akpe enuɔ. O nɛ, i kɛ na akpe enuɔ ngɔ piɛ he.’

Mateo 25:22

“Tsɔlɔ ɔ nɛ na sika tsu yi akpe enyɔ ɔ hu ba, nɛ e ba de ke, ‘Nyɔmtsɛ, o ha mi sika tsu yi akpe enyɔ. O nɛ, i kɛ na akpe enyɔ ngɔ piɛ he.’

Mateo 25:24

“Nɔ nɛ na sika tsu yi akpe ɔ hu ba, nɛ e ba de ke, ‘Nyɔmtsɛ, i le mo kaa o yi mi wa; o kpaa ní ngɛ he nɛ o du we ní ngɛ, nɛ o buaa ní nya ngɛ he nɛ o fĩa we ní ngɛ.

Luka 19:12

E de mɛ ke, “Be ko ɔ, ablade ko doma kɛ ho lokoo ya, konɛ a ya wo lɛ matsɛ nɛ e kpale kɛ ba.

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.