Luka 18:7 - BAIBLO ALOO NGMAMI KLƆUKLƆU Ɔ

⁷ Yoo, lɛɛ nihi nɛ Mawu nitsɛ hla a, ke a fa kue ha lɛ nyɔ kɛ pia a, anɛ e be mɛɛ a sane yee ha mɛ lo? Anɛ e maa to tsle hluu loko e ma ba piɛ a he lo?

Somi He Ɔ

⁷ Nɛ ke Mawu maa ku e hɛ ngɔ fɔ nihi nɛ e hla nɛ kpaa ngmla kɛ tsɛɛ lɛ nyɔ kɛ pia a nɔ hluu tete po ɔ, anɛ e ba be a he fae?

Luka 18:7 ပူးပေါင်းရင်းမြစ်များ

La 88:1

Yawɛ Mawu, ye yi wami helɔ! Nyɔ kɛ pia tsuo i foɔ ya ngɛ o hɛ mi.

La 9:8

Nɛ e kɛ anɔkuale, kɛ dami sane yemi maa kojo je ɔ, kɛ e mi nimli ɔmɛ.

Mose II, 22:23

Ke nyɛ wa mɛ yi mi, nɛ a fo ya kɛ tsɛ mi ɔ, niinɛ, ma bu a ya fomi ɔ tue,

Yesaya 40:27

Israel, lɛɛ mɛni he je o ngɛ dee ke Yawɛ li kaa o ngɛ nɔ́ nae, nɛ e bui kaa a ngɛ mo amimi yee ɔ?

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 7:11

Nyɛ nɛ nyɛ peeɔ yayami po, tse nyɛ le bɔ nɛ nyɛ haa nyɛ bimɛ ní kpakpahi! Nyɛ Tsɛ nɛ ngɛ hiɔwe ɔ, anɛ lɛɛ e be nyɛe ma ha nihi nɛ biɔ lɛ ɔ ní kpakpahi nɛ pe enɛ ɔmɛ lo?

Luka 11:13

Ke nyɛ nimli yayamihi po nyɛ le bɔ nɛ nyɛ haa nyɛ bimɛ ní kpakpahi ɔ, nyɛ Tsɛ nɛ ngɛ hiɔwe ɔ lɛɛ e maa ngɔ Mumi Klɔuklɔu ɔ kɛ ha nihi nɛ biɔ lɛ ɔ kulaa pe kikɛ nɛ ɔ po!”

Luka 2:37

nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

Luka 21:28

Lɔ ɔ he ɔ, ke ní nɛ ɔmɛ bɔni mi bami ɔ, nyɛɛ te si, nɛ nyɛ wo nyɛ yi nɔ; ejakaa e be kɛe nɛ Mawu ma he nyɛ yi wami.”

Romabi 8:33

Nihi nɛ Mawu hla a, mɛnɔ maa po a nya? Mawu nitsɛ lɛ woɔ nɔ nguɔ.

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

1 Tesalonikabi 3:10

Daa nyɔ kɛ pia a, wa kpaa lɛ pɛɛ kɛ wa tsui tsuo kaa waa na nyɛ hɛ mi kɛ hɛ mi, konɛ waa wo nyɛ hemi kɛ yemi ɔ mi he wami.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

1 Timoteo 5:5

Yalɔyo nɛ lɛ nɔ kake too e ngɛ, nɛ e be nɔ ko nɛ maa hyɛ e nɔ ɔ, ngɔɔ e hɛ ngɔ fɔɔ Mawu nɔ. E sɔlee nyɔ kɛ pia kɛ kpaa Mawu pɛɛ nɛ e ye bua lɛ.

2 Timoteo 1:3

Mawu ɔ nɛ i ngɛ sɔmɔe kɛ ye tsui tsuo kaa bɔ nɛ ye nɛmɛ ɔmɛ pee ɔ, i naa lɛ si. Daa nyɔ kɛ pia ke i ngɛ sɔlee ɔ, i kaiɔ mo.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

Tito 1:1

Imi Paulo, Mawu tsɔlɔ, kɛ Yesu Kristo bɔfo ɔ lɛ i ngma womi nɛ ɔ. Mawu hla mi, nɛ e tsɔ mi, konɛ ma ya wo nihi nɛ Mawu hla mɛ ɔ a hemi kɛ yemi mi he wami, nɛ ma tsɔɔ mɛ anɔkuale ɔ nɛ ngɛ Mawu jami mi.

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.