Luka 18:4 - BAIBLO ALOO NGMAMI KLƆUKLƆU Ɔ

⁴ Kojolɔ ɔ pee we nɔ́ ko nɔ́ ko ngɛ sane ɔ he hluu kɛ ya su be ko. Kɛkɛ nɛ e de ngɛ e yi mi ke, ‘E ngɛ mi kaa i yi Mawu gbeye, nɛ i bui adesa hulɔ,

Somi He Ɔ

⁴ Nɛ e kplɛɛ we hluu. Se pee se ɔ, e de ngɛ e yi mi ke: ‘Engɛ mi kaa i yi Mawu gbeye, nɛ i bui nɔmlɔ hulɔ;

Luka 18:4 ပူးပေါင်းရင်းမြစ်များ

Luka 12:17

Kɛkɛ nɛ e bɔni susumi ngɛ e yi mi ke, ‘I be he ko nɛ i kɛ ye ngmɔ mi ní nɛ ɔmɛ tsuo maa to. Kɛ ma pee kɛɛ?’

Luka 16:3

Tsɔlɔ ɔ de ngɛ e yi mi ke, ‘Ye nyɔmtsɛ ɔ miɔ nɛ e ma kpɔ ní tsumi ɔ ngɛ ye dɛ; kɛ ma pee kɛɛ? I be nɔmlɔ tso mi he wami nɛ ma nyɛ ní tsumi kpakpataa ma tsu, nɛ nɔ́ bami hu maa pee mi zo.

Luka 18:2

E ke, “Kojolɔ ko hi ma ko mi; e yi Mawu gbeye ɔ, e bui adesa hulɔ.

Luka 18:3

Yalɔyo ko hu hi jamɛ a ma a mi. Ke pee ɔ, yalɔyo ɔ baa kojolɔ ɔ ngɔ ba deɔ lɛ ke, ‘Nɔ ko ye mi amimi; i kpa mo pɛɛ nɛ o ye dami sane ha mi.’

Luka 20:13

Jehanɛ ɔ, wai ngmɔtsɛ ɔ de ke, ‘Kɛ ma pee kɛɛ? Ma tsɔ imi nitsɛ ye binyumu nɛ i suɔ lɛ ɔ; eko ɔ, a maa bu lɛ!’

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?

Manyadali 14:17

Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.