Luka 18:32 - BAIBLO ALOO NGMAMI KLƆUKLƆU Ɔ

³² A maa ngɔ lɛ ngɔ wo ma je li a dɛ mi; ma je li ɔmɛ maa ye e he fɛu, nɛ a ma jɛ lɛ, nɛ a maa la lada ngɔ pue e nɔ.

Somi He Ɔ

³² Ejakaa a ma je lɛ ngɔ wo wɔ jali a dɛ mi, nɛ a maa ye e he fɛu, nɛ a maa wa lɛ yi mi, nɛ a maa la lada ngɔ pue e nɔ,

Luka 18:32 ပူးပေါင်းရင်းမြစ်များ

Luka 23:11

Herode kɛ e ta buli ɔmɛ ye Yesu he fɛu, nɛ a bɔ lɛ ahlua. A wo Yesu tade klɔii saminyayoo ko, nɛ Herode ha nɛ a kpale lɛ ya ha Pilato ekohu.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

Ni Tsumi 3:13

Wa nɛmɛ Abraham, Isak, kɛ Yakob a Mawu ɔ wo e tsɔlɔ Yesu hɛ mi nyami. Se nyɛɛ lɛɛ nyɛ je lɛ ngɔ ha, nɛ nyɛ kua lɛ ngɛ Pilato hɛ mi, be mi nɛ lɛɛ e pee e juɛmi kaa e maa ngmɛɛ e he ɔ.

Marko 14:65

A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Mateo 26:67

Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Yesaya 52:14

Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Yohane 18:35

Pilato bi lɛ ke, “Anɛ Yuda no ji mi? Mo nitsɛ o ma mi bi, kɛ osɔfo nikɔtɔma amɛ nɛ a ngɔ mo ba ha mi. Mɛni o pee?”

Yohane 18:30

A he nɔ ke, “E pee we yayami ko jinɛ waa kɛ lɛ ba be mo hae.”

Yohane 18:22

Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Luka 23:35

Ma mi bi ɔmɛ daa si ngɛ lejɛ ɔ ngɛ hyɛe, be mi nɛ ma nimeli ɔmɛ lɛɛ a ngɛ e he fɛu yee ngɛ dee ke, “Tse o he ni komɛ a yi wami! Yoo, ke mo ji Kristo ɔ, nɔ nɛ Mawu hla a, he mo nitsɛ o yi wami koo!”

Luka 23:1

Kpe nguaa a mi bi ɔmɛ tsuo te si, nɛ a hɛɛ Yesu mi kɛ ya Pilato ngɔ.

Mateo 27:2

A bɔ lɛ pã, nɛ a ngɔ lɛ ya ha Roma amlaalo ɔ nɛ a tsɛɛ lɛ Pilato ɔ.

Yohane 18:28

Jena mɔtu mla a, a ngɔ Yesu kɛ je Kayafa ngɔ, nɛ a kɛ lɛ ya amlaalo ɔ mɔ ɔ mi. Yuda ma nimeli ɔmɛ nitsɛmɛ lɛɛ a sɛ we mi, ejakaa a sume nɛ a ble a he, bɔ nɛ pee nɛ a nyɛ nɛ a ye Hetsɔmi ɔ.

Marko 15:1

Mɔtu mla a, osɔfo nikɔtɔma amɛ, ma nimeli ɔmɛ, mlaa tsɔɔli ɔmɛ, kɛ kpe ngua a tsuo ya da, nɛ a fi Yesu; nɛ a kɛ lɛ ya ha Pilato.

Mateo 20:19

nɛ a maa ngɔ lɛ ngɔ ha ma je li ɔmɛ nɛ a ye e he fɛu, nɛ a fia lɛ kplibi, nɛ a sɛu lɛ. Se ligbi etɛ se ɔ, a ma tle lɛ si kɛ ba wami mi ekohu.”

Mateo 22:6

Ni nɛmɛ nɛ piɛ ɔ, mɛɛ lɛɛ a nuu tsɔli ɔmɛ, nɛ a pee mɛ nisɛ ní, nɛ a gbe mɛ ngɔ si nɔ.

Luka 18:33

A maa fia lɛ kpa, nɛ a maa gbe lɛ. Se ligbi etɛ se ɔ, e maa te si kɛ ba wami mi ekohu.”

Yohane 18:32

A de enɛ ɔ, konɛ Yesu munyu nɛ e tu kɛ tsɔɔ gbenɔ nɛ e ma gbo ɔ nɛ ba mi.