Luka 18:31 - BAIBLO ALOO NGMAMI KLƆUKLƆU Ɔ

³¹ Yesu tsɛ ni nyɔngma kɛ enyɔ ɔmɛ kɛ ba se, nɛ e de mɛ ke, “Nyɛ ngɛ tue bue! Wa yaa Yerusalem, nɛ lejɛ ɔ lɛ níhi tsuo nɛ gbali ɔmɛ ngma ngɛ Nɔmlɔ Bi ɔ he ɔ maa ba mi ngɛ.

Somi He Ɔ

³¹ Nɛ Yesu tsɛ ni nyɔngma kɛ enyɔ ɔ kɛ ba e kasa nya nɛ e de mɛ ke: “Oʼɛ, wa yaa Yerusalem, nɛ a maa gbe nihi kulaa nɛ gbali ɔmɛ ngma ngɛ Nɔmlɔ Bi ɔ he ɔ nya.

Luka 18:31 ပူးပေါင်းရင်းမြစ်များ

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Marko 8:9

Nihi nɛ ye ní ɔ a yibɔ maa pee akpe eywiɛ. Lɔ ɔ se ɔ, Yesu wo mɛ blɔ,

Luka 10:30

Yesu he nɔ ke, “Nyumu ko je Yerusalem kɛ yaa Yeriko, nɛ ojo fiali ya tua lɛ ngɛ blɔ ɔ nɔ. A je e he níhi tsuo, nɛ a kongo lɛ, nɛ a si lɛ nɛ e gbo fa kɛ fa.

Luka 9:22

E de mɛ hulɔ ke, “Ja Nɔmlɔ Bi ɔ na amanehlu babauu, nɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, se ligbi etɛ se ɔ, Mawu ma tle lɛ si ekohu.”

Luka 9:51

Benɛ be ɔ nɛ a maa ngɔ Yesu kɛ je je nɛ ɔ mi kɛ ya hiɔwe ɔ su ta a, e muɔ e yi mi kpɔ kaa e maa ya Yerusalem.