Luka 18:30 - BAIBLO ALOO NGMAMI KLƆUKLƆU Ɔ

³⁰ Mawu ma ha lɛ ní babauu ngɛ je nɛ ɔ mi; je nɛ maa ba a mi hu, e ma na neneene wami.”

Somi He Ɔ

³⁰ nɛ e be nane mi tomi si abɔ nae ngɛ be nɛ ɔ mi, nɛ je nɛ maa ba a mi hu e be neneene wami nae.”

Luka 18:30 ပူးပေါင်းရင်းမြစ်များ

Hiob 42:10

Jehanɛ, benɛ Hiob fa kue ha Yawɛ ngɛ e huɛmɛ etɛ ɔmɛ a he se ɔ, Yawɛ wo lɛ ní ekohu. Níhi tsuo nɛ Hiob hi sa a, Yawɛ bɔ he totoe enyɔɔnyɔ kɛ ha lɛ.

La 119:103

O mlaa a ngɔɔ loo! E ngɔɔ pe hwo tete po.

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

La 119:127

Imi lɛɛ i suɔ o mlaa amɛ pe sika tsu, ee, pe sika tsu ngmingmiingmi.

La 119:162

O munyu ɔ ngɔɔ ye nya. Ye bua jɔɔ kaa nɔ ko nɛ e nine ya su ta yibu ní nɛ he jua wa nɔ.

La 119:72

O mlaa a nɛ o ha mi ɔ hi ha mi pe je nɛ ɔ mi sika tsu, kɛ sika hiɔ babauu.

La 37:16

Nɔ́ ko bɔbɔyoo nɛ ngɛ dalɔ dɛ ɔ hi pe yayami peeli babauu a ní nɛ a na.

Mateo 12:32

Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ. Se nɔ nɛ maa tu munyu kɛ si Mumi Klɔuklɔu ɔ, a kɛ be lɛ pae ngɛ yi nɔ nɛ ɔ, aloo yi nɔ nɛ maa ba a mi.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

1 Timoteo 6:6

Se niinɛ, ní nami agbo ji Mawu jami, ke nɔ ko bua jɔ e níhi a he ɔ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.