Luka 18:3 - BAIBLO ALOO NGMAMI KLƆUKLƆU Ɔ

³ Yalɔyo ko hu hi jamɛ a ma a mi. Ke pee ɔ, yalɔyo ɔ baa kojolɔ ɔ ngɔ ba deɔ lɛ ke, ‘Nɔ ko ye mi amimi; i kpa mo pɛɛ nɛ o ye dami sane ha mi.’

Somi He Ɔ

³ Yalɔyo ko ngɛ jamɛ a ma mi, nɛ e ba e ngɔ ba de ke: ‘Fã ye he kɛ je ye henyɛlɔ ɔ dɛ mi!’

Luka 18:3 ပူးပေါင်းရင်းမြစ်များ

Hiob 22:9

O fieɔ yalɔyihi kɛ jeɔ o ngɔ kɛ a dɛ mi gu, nɛ awusahi hu o waa mɛ yi mi.

Hiob 29:13

I je nihi kɛ je haomi mi, nɛ a gbaa mi; nɛ i ha nɛ yalɔyihi na bua jɔmi.

Yesaya 1:17

nɛ nyɛɛ kase kpakpa peemi. Nyɛɛ ye dami sane; nihi nɛ a ngɛ mɛ yi mi wae ɔ, nyɛɛ ye a sane ha mɛ; nyɛ ha awusahi a blɔ nya níhi, nɛ nyɛɛ ye yalɔyihi a sane ha mɛ.”

Yeremia 5:28

A plɔke, nɛ a pee tɔfutɔfu, nɛ a yi mi wa kaa nɔ́ ko. A ha we awusahi a blɔ fa mi níhi nɛ sa, nɛ dɛgutsɛmɛ hu a yi dami sane ha we mɛ.

Mateo 5:25

“Ke nɔ ko sama mo, nɛ nyɛ ngɛ blɔ ɔ nɔ kɛ yaa kojomi he ɔ, o kɛ lɛ nɛ tsa mla. Ke pi ja a, o pɛbilɔ ɔ maa ngɔ mo ya wo kojolɔ ɔ dɛ mi; kojolɔ hu maa ngɔ mo ya wo tsɔlɔ ɔ dɛ mi, nɛ a maa wo mo tsu.

Luka 18:2

E ke, “Kojolɔ ko hi ma ko mi; e yi Mawu gbeye ɔ, e bui adesa hulɔ.

Luka 18:4

Kojolɔ ɔ pee we nɔ́ ko nɔ́ ko ngɛ sane ɔ he hluu kɛ ya su be ko. Kɛkɛ nɛ e de ngɛ e yi mi ke, ‘E ngɛ mi kaa i yi Mawu gbeye, nɛ i bui adesa hulɔ,

Luka 18:5

se akɛnɛ yalɔyo nɛ ɔ ngɛ ye nya dooe he je ɔ, ma hyɛ nɛ a ye dami sane ha lɛ. Ke i pee we ja a, e maa hi ye ngɔ bae kpamisa, nɛ e be hae nɛ ma na tue mi jɔmi.’ ”

Mose V, 27:19

“ ‘Mawu maa gbiɛ nɔ tsuaa nɔ nɛ plɛɔ nibwɔhi, awusahi, kɛ yalɔyihi a sane hɛ mi buɔ si.’ “Ma a tsuo ma he nɔ ke, ‘Amen!’