Luka 18:12 - BAIBLO ALOO NGMAMI KLƆUKLƆU Ɔ

¹² I haa hwɔ si enyɔ ngɛ otsi mi, nɛ i haa mo níhi tsuo nɛ i naa a mi dlami nyɔngmanyɔngma mi kakaaka.’

Somi He Ɔ

¹² I haa hwɔ si enyɔ ngɛ otsi mi; si ngɔɔ ni hi tsuo nɛ i naa a mi dlami nyɔngma ngɔ haa.’

Luka 18:12 ပူးပေါင်းရင်းမြစ်များ

Luka 11:42

“Nyɛ Farisi bi, musu tloo nyɛ! Nyɛ haa Mawu kowɛ, kɛ pui, kɛ ba slɔɔtohi tsuo mi dlami nyɔngmanyɔngma mi kakaaka, se dami sane yemi, kɛ Mawu suɔmi lɛɛ nyɛ si se. E sa kaa nyɛ peeɔ enɛ ɔmɛ, nɛ ekpa amɛ hu nyɛ ko si se.

Mateo 9:14

Pee se ɔ, Yohane kaseli ɔmɛ ba Yesu ngɔ, nɛ a ba bi lɛ ke, “Mɛni he je waa kɛ Farisi bi ɔmɛ haa hwɔ, nɛ o kaseli ɔmɛ lɛɛ a hɛ hwɔ ɔ?”

Luka 17:10

Enɛ ɔ kɔɔ nyɛ hu nyɛ he jã kɛ̃. Ke nyɛ pee níhi tsuo nɛ a fa nyɛ ke nyɛɛ pee ɔ, nyɛ de ke, ‘Wɔɔ lɛɛ sɔmɔli nɛ he be se nami kɛkɛ ji wɔ. Ní tsumi nɛ sa kaa wa tsu ɔ, lɔ ɔ pɛ wa tsu nɛ ɔ nɛ.’ ”

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

Mateo 6:1

“Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Malaki 3:8

I ngɛ bie ke, Mawu ɔ, anɛ nɔmlɔ sisiɔ lɛ lo? Dɛbi! Se nyɛɛ lɛɛ nyɛ ngɛ mi sisie. Nyɛ biɔ mi ke, ‘Kɛ wa plɛ kɛ ngɛ mo sisie kɛɛ?’ Mi dlami nyɔngmanyɔngma mi kakaaka, kɛ nike ní nɛ ma a ba haa mi ɔ, nyɛ sisiɔ mi ngɛ mi.

Galatabi 1:14

I tsu Yuda bi a jami ɔ he ní wawɛɛ pe wa juami bi Yuda fɔfɔɛhi babauu. I kɛ hɛdɔ tsu wa nɛmɛ ɔmɛ a kusumi ɔmɛ a he ní saminya.

1 Korintobi 1:29

E pee enɛ ɔ, konɛ nɔ ko nɔ ko kó fĩa ngɛ e hɛ mi.

Romabi 3:27

Lɛɛ mɛni nɔ wa maa fĩa ngɔ fɔ mɔ? Nɔ́ ko kulaa be kaa ja. Lɛɛ mɛni mɔ? Ní tsumi ngɛ mlaa a nya lo? Dɛbi! Yesu Kristo nɛ wa heɔ yeɔ mohu.

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Matsɛmɛ II, 10:16

nɛ e de lɛ ke, “Ha waa ho nɛ o ya hyɛ kɛ o hɛngmɛ níhi nɛ i pee ha Yawɛ.” Nɛ e kɛ lɛ hi ta zugba lɛ ɔ mi kɛ ho Samaria ya.

Samuel I, 15:13

Benɛ Samuel ba su Saul ngɔ ɔ, Saul fɔ lɛ nɛ e de lɛ ke, “Yawɛ nɛ e gbaa mo! I ye Yawɛ fami ɔ nɔ.”

Mose IV, 23:4

nɛ Mawu kɛ lɛ ya kpe ngɛ lejɛ ɔ. Balaam de Mawu ke, “I puɛ bɔ sami la tɛ kpaago ɔmɛ, nɛ i sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.”

Mose IV, 18:24

ejakaa Israel bi ɔmɛ a níhi a mi dlami nyɔngmanyɔngma mi kakaaka nɛ a kɛ ba haa Yawɛ ɔ, i ngɔ mɛ tsuo ngɔ ha Levi bi ɔmɛ kaa a weto ní. Enɛ ɔ he je nɛ i de mɛ ke a be weto ní kpa ko nae ngɛ Israel ɔ nɛ.”

Mateo 5:20

I ngɛ nyɛ dee ke loko nyɛ maa sɛ hiɔwe matsɛ yemi ɔ mi ɔ, ja nyɛ ye anɔkuale ngɛ nɔ́ nɛ Mawu ngɛ hlae nɛ nyɛɛ pee ɔ mi pe mlaa tsɔɔli ɔmɛ, kɛ Farisi bi ɔmɛ.