Luka 18:11 - BAIBLO ALOO NGMAMI KLƆUKLƆU Ɔ

¹¹ “Farisi no ɔ ya da si ngɛ he ko banee, nɛ e sɔle ke, ‘Mawu, i naa mo si kaa i pee we jiklɔɔ; i sisi we nɔ, nɛ i puɛ we gba kaa bɔ nɛ ni komɛ peeɔ ɔ. I naa mo si ekohu kaa i be kaa tó tsulɔ nɛ ɔ hulɔ.

Somi He Ɔ

¹¹ Farisifono ɔ ya da lokoo, nɛ e sɔle kikɛ ngɛ e yi mi: ‘Mawu, i naa mo si kaa i be kaa ni kpa amɛ, jiklɔɔtsɛmɛ, kutupɔtsɛmɛ, gba puɛli, loo kaa kikɛmɛ a onia tsulɔ nɛ ɔ hulɔ.

Luka 18:11 ပူးပေါင်းရင်းမြစ်များ

La 134:1

Nyɛ Yawɛ tsɔli tsuo, nyɛɛ ba; nyɛ je Yawɛ yi! Nyɛ nɛ nyɛ sɔmɔɔ Yawɛ ngɛ e we ɔ nyɔnyɔɔnyɔ, nyɛ je e yi

La 135:2

Nyɛ nihi nɛ nyɛ daa si ngɛ Yawɛ we ɔ, ngɛ wa Mawu ɔ he klɔuklɔu ɔ, nyɛ je e yi!

Abɛ Womi 20:6

Nihi babauu maa tsɔɔ mo bɔ nɛ a mi mi jɔ ha. Se mo hla anɔkualetsɛ kake too ngɛ a kpɛti kaa o maa na lo.

Abɛ Womi 30:12

Ni komɛ buɔ a he kaa a he tsɔ, be mi nɛ a sɛ mu kpɔtɔɔ.

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Yesaya 58:2

A deɔ ke a jaa mi daa kɛ tsɔɔ kaa a ngɛ hlae nɛ a le ye suɔmi nya ní, nɛ a ye ye mlaa amɛ a nɔ. A deɔ hu ke a ngɛ hlae nɛ ma wo mɛ mlaa kpakpahi, nɛ a suɔ kaa a ma ja mi.”

Yesaya 65:5

Se bɔ nɛ mɛ mohu a deɔ ni kpahi ji, ‘Nyɛɛ hɛ nyɛ kɛ ya se; nyɛ ko ba wa kasa nya; wɔɔ lɛɛ wa he tsɔ!’ Kikɛmɛ a nimli nɛ ɔmɛ ngɛ kaa la su ku nɛ ngɛ ye gugwɔ mi sɛe, kɛ la nɛ ngɛ tsoe daa ligbi!

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Yeremia 2:35

nyɛ deɔ ke, ‘Oo, i tsa pee we yayami ko kɛ wui Mawu mi mi la; e mi mi tsa fu we mi pohu.’ Se imi Yawɛ, ma gbla nyɛ tue kɛ̃, ejakaa nyɛ ye lakpa ke nyɛ pee we yayami ko.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mateo 10:3

Filipo kɛ Bartolomeo, Toma, kɛ Mateo tó tsulɔ ɔ Alfeo bi Yakobo, kɛ Tadeo,

Mateo 5:20

I ngɛ nyɛ dee ke loko nyɛ maa sɛ hiɔwe matsɛ yemi ɔ mi ɔ, ja nyɛ ye anɔkuale ngɛ nɔ́ nɛ Mawu ngɛ hlae nɛ nyɛɛ pee ɔ mi pe mlaa tsɔɔli ɔmɛ, kɛ Farisi bi ɔmɛ.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Marko 11:25

Nɛ ke nyɛ ngɛ kue fae nɛ nyɛ susu kaa nɔ ko tɔ nyɛ nɔ ɔ, nyɛ kɛ pa lɛ, kɛkɛ nyɛ tsɛ nɛ ngɛ hiɔwe ɔ hu kɛ nyɛ tɔmi ɔmɛ maa pa nyɛ. [

Luka 20:47

A sisiɔ yalɔyihi, nɛ a kpɔɔ a wehi ngɛ a dɛ. Kɛkɛ ɔ, a peeɔ sɔlemi gagaaga, konɛ a kɛ laa a ní peemi ní ɔmɛ a nɔ. Mawu maa gbla a tue pe nine!”

Luka 22:41

Kɛkɛ nɛ e si mɛ maa pee tɛ fɔmi mi kɛmi, nɛ e ya kpla si, nɛ e sɔle

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

Kpojemi 3:17

O deɔ ke, ‘I na ní kpɔtɔɔ; i plɔke, nɛ nɔ́ ko nɔ́ ko hia we mi!’ Se o li tete kaa o ngɛ dengme mi, nɛ o ní ngɛ mɔbɔ! O li kaa ohiatsɛ ji mo! O li kaa o hɛɛ o he gu, nɛ o hɛngmɛ hu yu!