Luka 18:10 - BAIBLO ALOO NGMAMI KLƆUKLƆU Ɔ

¹⁰ “Ligbi ko ɔ, ni enyɔ ya sɔlemi we ɔ nɛ a ya sɔle; nɔ kake ɔ, Farisi no ji lɛ, nɛ nɔ kake lɛɛ tó tsulɔ.

Somi He Ɔ

¹⁰ “Ni enyɔ pue nɔ kɛ ho sɔlemi ya ngɛ sɔlemi we ɔ. Nɔ kake ɔ Farisifono ji lɛ, nɛ nɔ kpa a onia tsulɔ ʼi.

Luka 18:10 ပူးပေါင်းရင်းမြစ်များ

Matsɛmɛ I, 10:5

Jehanɛ se hu, manyɛ ɔ na niye ní nɛ a kɛ to okplɔɔ ha matsɛ ɔ; e na matsɛ tsɔli nikɔtɔma amɛ nɛ a hii si kɛ bɔle matsɛ ɔ; e na matsɛ sɔmɔli ɔmɛ nɛ a pueɔ si kɛ a he tadehi; e na matsɛ ɔ dã woli, kɛ sami bɔhi nɛ e sãã ngɛ Yawɛ we ɔ. Benɛ Sheba manyɛ ɔ na ní ɔmɛ tsuo ɔ, e he mi po,

Matsɛmɛ I, 8:30

Ke o tsɔlɔ, aloo o ma, Israel ba hiɛmɛ nɛ ɔ ba kpa pɛɛ ɔ, o nu ngɛ o hi he ɔ ngɛ hiɔwe, nɛ o ngɔ pa wɔ.

Matsɛmɛ II, 20:5

e kpale e se nɛ e ya de Hezekia, Yawɛ ma a ganɔ ɔ ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Hyɛ, ma tsa mo, nɛ hiɛmɛ nɛ ɔ ligbi etɛ ɔ, o maa nyɛɛ kɛ ya Yawɛ we ɔ.

Matsɛmɛ II, 20:8

Hezekia bi Yesaya ke, “Mɛni okadi ma kɛ na kaa Yawɛ ma tsa mi niinɛ, nɛ hiɛmɛ nɛ ɔ ligbi etɛ ɔ ma nyɛɛ kɛ ya Yawɛ we ɔ?”

Mateo 10:3

Filipo kɛ Bartolomeo, Toma, kɛ Mateo tó tsulɔ ɔ Alfeo bi Yakobo, kɛ Tadeo,

Luka 19:46

E de mɛ ke, “A ngma ke, Mawu ke, ‘A ma tsɛ ye we ɔ ke he nɛ a faa kue ha mi ngɛ!’ Se nyɛɛ lɛɛ nyɛ ngɔ kɛ pee ojo fiali a laami he!”

Ni Tsumi 26:5

Ke a maa ye odase anɔkuale mi ɔ, a maa na kaa kɛ je sisije ɔ, i hi si kaa Farisi no. Wa Farisi kuu ɔ ji nihi nɛ peeɔ veveeve pe kulaa ngɛ Mawu jami mi.

Ni Tsumi 3:1

Ligbi ko piani ngmlɛ etɛ sɔlemi be ɔ, Petro kɛ Yohane nyɛɛ kɛ yaa sɔlemi we ɔ.

Filipibi 3:5

I ye otsi pɛ nɛ a po mi. Israel fɔfɔɛ ji mi; i je Benyamin wɛtso ɔ mi; Hebri no mi Hebri no ji mi; mlaa a nya a, Farisi no kpanaa hulɔ.