Luka 17:8 - BAIBLO ALOO NGMAMI KLƆUKLƆU Ɔ

⁸ Dɛbi, nɔ́ nɛ o ma de lɛ mohu ji, ‘Yaa nɛ o ya hoo ní ha mi. Lɔ ɔ se ɔ, dla o he, nɛ o ba sɔmɔ mi kɛ yaa si ma ye ní nɛ ma nu nɔ́ ko. Ke i gbe nya, konɛ mo hu o ya ye ní nɛ o nu nɔ́ ko.’

Somi He Ɔ

⁸ Se e be lɛ dee mohu ke: ‘Dla nɔ́ nɛ ma ye ɔ ngɔ ma si, nɛ o mia konɛ o sɔmɔ mi nɛ ma ye ni nɛ ma nu nɔ́ ko lolo, nɛ lɔ ɔ se ɔ konɛ mo hu o ye ni nɛ o nu nɔ́ ko?’

Luka 17:8 ပူးပေါင်းရင်းမြစ်များ

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Mose I, 43:16

Benɛ Yosef na Benyamin ngɛ a kpɛti ɔ, e de nyumu ɔ nɛ hyɛɛ e we ɔ nɔ ɔ ke, “O kɛ nyumu nɛ ɔmɛ nɛ ya ye we ɔ mi. A kɛ mi maa ye ní piani nɛ ɔ; lɔ ɔ he ɔ, yaa gbe lohwe nɛ o pee niye ní ngɔ to.”

Samuel II, 12:20

Kɛkɛ nɛ David te si ngɛ zugba, nɛ e ya du e he, nɛ e kpa nu, nɛ e tsake e tade ɔmɛ. Lɔ ɔ se ɔ, e ho Yawɛ we ɔ ya, nɛ e ya ja Mawu. Benɛ e kpale kɛ ba lɛ nitsɛ e we ɔ mi ɔ, e ha nɛ a pee niye ní ha lɛ, nɛ e ye.

Luka 17:7

“Waa ngɔ lɛ kaa nyɛ ti nɔ kake ngɛ sɔmɔlɔ nɛ huɔ, aloo e lɛɛ lohwe ha lɛ. Ke e je ngmɔ mi kɛ ba a, pe o ma de lɛ ke e ba hi si esɔesɔ nɛ e ye ní lo?

Luka 17:9

Tsɔlɔ ɔ, e hia we lɛ sina kaa e pee nɔ́ nɛ a fa lɛ ke e pee ɔ.

Yohane 13:4

Kɛkɛ nɛ Yesu te si ngɛ niye ní ɔ he; nɛ e je e tade klɔii ɔ ngɔ fɔ si, nɛ e ngɔ papahu kɛ muɔ e mlɛ mi.