Luka 17:5 - BAIBLO ALOO NGMAMI KLƆUKLƆU Ɔ

⁵ Bɔfo ɔmɛ de Nyɔmtsɛ ɔ ke, “Ha nɛ wa hemi kɛ yemi ɔ mi nɛ wa!”

Somi He Ɔ

⁵ Nɛ bɔfo ɔmɛ de Nyɔmtsɛ ɔ ke: “Piɛ wa hemi kɛ yemi ɔ he ha wɔ!”

Luka 17:5 ပူးပေါင်းရင်းမြစ်များ

Marko 6:30

Kaseli ɔmɛ kpale kɛ ba Yesu ngɔ, nɛ a ba bɔ lɛ níhi nɛ a ya pee, kɛ níhi nɛ a ya tsɔɔ ɔ tsuo.

Marko 9:24

Amlɔ ɔ, bitsɛ ɔ kpa ngmlaa kɛ de ke, “I heɔ yeɔ, se ye hemi kɛ yemi ɔ pi. Piɛ he ha mi!”

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Luka 7:19

nɛ e tsɔ mɛ Nyɔmtsɛ Yesu ngɔ ke a ya bi lɛ ke, “Mo lɛ a de ke o ma a, aloo waa hyɛ nɔ kpa blɔ?”

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.