Luka 17:28 - BAIBLO ALOO NGMAMI KLƆUKLƆU Ɔ

²⁸ Jehanɛ ɔ hu, níhi nɛ ya nɔ Lot be ɔ mi ɔ maa ba mi jã nɔuu. Kikɛ nɛ ɔ a ngɛ ní yee, nɛ a ngɛ ní nue; a ngɛ ní hee, nɛ a ngɛ ní juae; a ngɛ tsohi due, nɛ a ngɛ tsuhi mae.

Somi He Ɔ

²⁸ Jeha nɛ ɔ bɔ nɛ e ba mi ngɛ Lot ligbi ɔmɛ a mi hulɔ ɔ, a ngɛ ni yee, a ngɛ da nue, a ngɛ ni hee, a ngɛ ni juae, a ngɛ tsohi due, nɛ a ngɛ tsuhi mae;

Luka 17:28 ပူးပေါင်းရင်းမြစ်များ

Mose I, 13:13

Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

Yeremia 50:40

Ma kpata Babilon hɛ mi pɛsɛpɛsɛ kaa bɔ nɛ i pee Sodom, kɛ Gomora, kɛ kɔpehi nɛ bɔle ɔ. Nɔ ko nɔ ko be lejɛ ɔ hie hu. Imi, Yawɛ lɛ i de.

Mateo 21:12

Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Luka 17:27

A ngɛ ní yee, nɛ a ngɛ ní nue; a ngɛ yihi ngɔe, nɛ a kɛ yihi ngɛ gba hae hluu kɛ ya su ligbi ɔ nɛ Noa sɛ lɛ ɔ mi. Kɛkɛ nɛ nyu kpekpemi ɔ ba, nɛ e ba kpata mɛ tsuo pɛpɛɛpɛ a hɛ mi.

Luka 17:29

Ligbi ɔ nɛ Lot je Sodom ɔ, Mawu ha nɛ la nɛ ngɛ tsoe gegeege je hiɔwe ba kpata mɛ tsuo a hɛ mi.