Luka 17:27 - BAIBLO ALOO NGMAMI KLƆUKLƆU Ɔ

²⁷ A ngɛ ní yee, nɛ a ngɛ ní nue; a ngɛ yihi ngɔe, nɛ a kɛ yihi ngɛ gba hae hluu kɛ ya su ligbi ɔ nɛ Noa sɛ lɛ ɔ mi. Kɛkɛ nɛ nyu kpekpemi ɔ ba, nɛ e ba kpata mɛ tsuo pɛpɛɛpɛ a hɛ mi.

Somi He Ɔ

²⁷ A ngɛ ni yee, a ngɛ da nue, a ngɛ yihi ngɔe, nɛ a kɛ mɛ ngɛ gba hae kɛ ya su ligbi nɛ. Noa sɛ daka a mi nɛ nyu afua a ba nɛ e ba kpata mɛ tsuo kulaa a hɛ mi.

Luka 17:27 ပူးပေါင်းရင်းမြစ်များ

Yesaya 21:4

E pee mi kaa ye hɛ mi ngɛ mi tsitsɛɛe, nɛ ye he ngɛ doe blibliibli kɛ sawale. Jinɛ i ngɛ blɔ hyɛe kaa du nɛ bu mla, se gbeye níhi mohu nɛ je mi kɛ ba.

Mose I, 7:7

E kɛ e yo, kɛ e binyumu ɔmɛ, kɛ a yi ɔmɛ ya sɛ lɛ ɔ mi nɛ a kɛ tu nyu kpekpemi ɔ nya fo.

Mose I, 7:23

Yawɛ kpata nɔ́ tsuaa nɔ́ nɛ ngɛ hɛ ngmengmle ngɛ je ɔ mi ɔ hɛ mi: nimli adesahi, lohwe pɛlitsɛmɛ, lohwe nane eywiɛɛywiɛtsɛmɛ, kɛ ní nɛmɛ nɛ sãã si. Noa kɛ ni nɛmɛ nɛ e kɛ mɛ ngɛ lɛ ɔ mi ɔ pɛ nɛ a piɛ.

Samuel I, 30:16

Nɛ e kɛ David ho. Benɛ a su lejɛ ɔ, a na ni ɔmɛ nɛ a pueɔ si babauu ngɛ zugba. Blɔɔ a ngɛ ní yee, a ngɛ ní nue, nɛ a ngɛ doe; ejakaa ta yibu ní nɛ a nine su nɔ ngɛ Filistia kɛ Yuda a, tsa pi fiɛmi.

Yesaya 47:11

Lɔ ɔ he ɔ, haomi maa ba o nɔ, nɛ o be nya nyɛe maa da. Oslaa ma ba na mo, se o be e nya nyɛe maa tsi. O hɛ mi ma kpata tlukaa be nɛ o li o he be.

Mateo 22:30

Benɛ ni gbogboehi maa te si kɛ ba wami mi ekohu ɔ, a maa hi kaa hiɔwe bɔfohi; a be yo ngɔe, nɛ nɔ ko hu be gbae.

Luka 17:26

Loko Nɔmlɔ Bi ɔ maa ba a, níhi nɛ ya nɔ Noa be ɔ mi ɔ maa ba mi jã nɔuu.

Luka 17:28

Jehanɛ ɔ hu, níhi nɛ ya nɔ Lot be ɔ mi ɔ maa ba mi jã nɔuu. Kikɛ nɛ ɔ a ngɛ ní yee, nɛ a ngɛ ní nue; a ngɛ ní hee, nɛ a ngɛ ní juae; a ngɛ tsohi due, nɛ a ngɛ tsuhi mae.