Luka 17:22 - BAIBLO ALOO NGMAMI KLƆUKLƆU Ɔ

²² Jehanɛ ɔ, Yesu de e kaseli ɔmɛ ke, “Be ma nɛ nyɛ ma hla kaa nyɛɛ na be ɔ nɛ Nɔmlɔ Bi ɔ maa ba ngɛ e hɛ mi nyami mi ɔ we ligbi kake pɛ, se nyɛ be nae.

Somi He Ɔ

²² Nɛ e de e kaseli ɔmɛ ke: “Be maa ba nɛ nyɛ ma hla Nɔmlɔ Bi ɔ ligbi ɔmɛ eko nɛ nyɛɛ na, nɛ nyɛ be nae.

Luka 17:22 ပူးပေါင်းရင်းမြစ်များ

Mateo 9:15

Yesu he nɔ ke, “Ke a fɔ̃ nihi nine kɛ ya yo kpeemi ɔ, anɛ a maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Dɛbi! Be maa ba nɛ a maa ngɔ ayɛflo huno ɔ kɛ je a kpɛti kɛ ho; jamɛ a be ɔ loko a maa ha hwɔ.

Marko 2:20

Se be ma nɛ a maa ngɔ ayɛflo huno ɔ kɛ je a he; jamɛ a be ɔ mi loko a maa ha hwɔ.

Luka 13:35

Lɔ ɔ he ɔ, Mawu maa pee nyɛ ma a ma doku. I ngɛ nyɛ dee ke, nyɛ be mi nae hu kɛ yaa su be nɛ nyɛ ma de ke, ‘A gbaa nɔ nɛ ma ngɛ Nyɔmtsɛ ɔ biɛ mi ɔ!’ ”

Luka 5:35

Se be ma, nɛ a maa ngɔ ayɛflo huno ɔ kɛ je a he kɛ ho; nɛ jamɛ a be ɔ loko a maa ha hwɔ!”

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 13:33

Ye bimɛ, be nɛ i kɛ nyɛ maa hi si kɛ yaa si ɔ pi saasaa. Nyɛ ma hla mi, se kaa bɔ nɛ i de Yuda ma nimeli ɔmɛ ɔ, ‘He nɛ i yaa a, nyɛ be nyɛe maa ba.’