Luka 17:21 - BAIBLO ALOO NGMAMI KLƆUKLƆU Ɔ

²¹ Nɔ ko hu be dee ke, ‘O nɛ, e ngɛ hiɛ ɔ;’ aloo, ‘E ngɛ lejɛ ɔ’; ejakaa Mawu matsɛ yemi ɔ, nyɛ mi lɛ e ngɛ.”

Somi He Ɔ

²¹ nɛ jeha nɛ ɔ hu a be dee ke: ‘Oʼɛ, e ngɛ hiɛ ɔ! aloo oʼɛ, e ngɛ lejɛ ɔ!’ ejakaa oʼɛ, Mawu matsɛ yemi ɔ ngɛ nyɛ mi.”

Luka 17:21 ပူးပေါင်းရင်းမြစ်များ

Mateo 12:28

Se imi lɛɛ ke Mawu Mumi ɔ lɛ haa mi he wami nɛ i kɛ hiaa mumi yayami ɔmɛ ɔ, e tsɔɔ kaa Mawu matsɛ yemi ɔ ba na nyɛ momo.

Marko 13:21

“Jehanɛ hu ke nɔ ko de nyɛ ke, ‘Hyɛ, Kristo ɔ ngɛ hiɛ ɔ!’ aloo ‘Hyɛ, e ngɛ lejɛ ɔ!’ ɔ, nyɛ ko he ye.

Luka 17:23

Ni komɛ ma de nyɛ ke, ‘Hyɛ, e ngɛ lejɛ ɔ’, aloo, ‘Hyɛ, e ngɛ hiɛ ɔ!’ Se nyɛ ko ya nyɛɛ jamɛ a ni ɔmɛ a se.

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Yohane 1:26

Yohane he nɔ ke, “Imi lɛɛ nyu i kɛ ngɛ nyɛ sɔlee; se nɔ ko daa si ngɛ nyɛ kpɛti ngɛ hiɛmɛ nɛ ɔ nɛ nyɛ li lɛ.

Yohane 18:36

Yesu he nɔ ke, “Ye matsɛ yemi ɔ, pi je nɛ ɔ mi nɔ́. Kaa je nɛ ɔ mi nɔ́ ɔ, jinɛ ye se nyɛɛli ɔmɛ maa plee ye he, konɛ a ko ngɔ mi ngɔ ha Yuda ma nimeli ɔmɛ. Se enɛ ɔ, ye matsɛ yemi ɔ, pi je nɛ ɔ mi nɔ́.”

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.