Luka 17:20 - BAIBLO ALOO NGMAMI KLƆUKLƆU Ɔ

²⁰ Farisi bi komɛ ba bi Yesu ke, “Mɛni be Mawu matsɛ yemi ɔ maa ba?” E he nɔ ke, “Mawu matsɛ yemi ɔ be bae kaa nɔ́ ko nɛ a maa na kɛ hɛngmɛ.

Somi He Ɔ

²⁰ Nɛ benɛ Farisifo ɔmɛ bi Yesu ke: “Te be nɛ Mawu matsɛ yemi ɔ maa ba” a, e ha mɛ heto ke: “Mawu matsɛ yemi ɔ bɛ́ kaa nɔ́ ko nɛ a naa;

Luka 17:20 ပူးပေါင်းရင်းမြစ်များ

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Luka 10:11

‘Nyɛ ma nɛ ɔ mi bunyuku tete nɛ ngɛ wa nane he ɔ, wa ngɛ blɛe kɛ ngɛ nyɛ nɔ puee. Se kɛ̃ ɔ, nyɛ na nɛ nyɛɛ le kaa Mawu matsɛ yemi ɔ na nyɛ ta!’

Luka 14:1

Hejɔɔmi ligbi ko ɔ, Yesu ya ye ní ngɛ Farisi bi ɔmɛ a nikɔtɔma amɛ a ti nɔ kake we mi, nɛ nihi huɔ Yesu kaa a maa na nɔ́ ko ngɛ e he lo.

Luka 16:16

“Mose mlaa a, kɛ níhi nɛ gbali ɔmɛ ngma a tsu ní kɛ ya si Yohane nɔ sɔlelɔ ɔ yi nɔ. Kɛ je jamɛ a be ɔ, sane kpakpa a nɛ kɔɔ Mawu matsɛ yemi ɔ he ɔ, lɔ ɔ nɛ a ngɛ fiɛe. Nɛ nɔ tsuaa nɔ ngɔ e he kɛ ngɛ mi woe kã nya.

Luka 19:11

Benɛ ni ɔmɛ ngɛ nɔ́ nɛ ɔ tue bue ɔ, Yesu tu mɛ munyu ngɛ abɛ gbi mi, ejakaa e su Yerusalem haa, nɛ ni ɔmɛ susu kaa Mawu matsɛ yemi ɔ maa ba nɔuu.

Yohane 18:36

Yesu he nɔ ke, “Ye matsɛ yemi ɔ, pi je nɛ ɔ mi nɔ́. Kaa je nɛ ɔ mi nɔ́ ɔ, jinɛ ye se nyɛɛli ɔmɛ maa plee ye he, konɛ a ko ngɔ mi ngɔ ha Yuda ma nimeli ɔmɛ. Se enɛ ɔ, ye matsɛ yemi ɔ, pi je nɛ ɔ mi nɔ́.”