Luka 17:12 - BAIBLO ALOO NGMAMI KLƆUKLƆU Ɔ

¹² Benɛ e miɔ nɛ e maa sɛ kɔpe ko mi ɔ, nyumuhi nyɔngma nɛ he womi nɔ hiɔ yaya ngɛ a he ji nɛ ɔ nɛ daa si ngɛ tsitsaa lokoo.

Somi He Ɔ

¹² Nɛ benɛ e ya sɛ ma ko mi ɔ, nyumuhi tsitsɛmɛ nyɔngma kɛ lɛ ba kpe, nɛ a daa si ngɛ se tsitsa lokoo.

Luka 17:12 ပူးပေါင်းရင်းမြစ်များ

Matsɛmɛ II, 5:27

Lɔ ɔ he ɔ, Naeman he womi nɔ hiɔ yaya a ma ba pue o he, nɛ o kɛ o nina maa nu hiɔ nɛ ɔ kɛ maa ya neneene.” Benɛ Gehazi je lejɛ ɔ, he womi nɔ hiɔ yaya pue e he, nɛ e he womi pee patapata kaa ngo.

Matsɛmɛ II, 7:3

Nyumuhi eywiɛ komɛ nɛ he womi nɔ hiɔ yaya ngɛ a he hi Samaria ma a agbo ɔ nya. Ligbi ko ɔ, a de a he ke, “Mɛni he je wa maa hi si ngɛ hiɛmɛ nɛ ɔ kɛ yaa si wa ma gbo ɔ?

Mose II, 4:7

Yawɛ de lɛ ke, “Ngɔɔ o nine ɔ kɛ hɔ o tade ɔ mi ngɛ o tsui nya ekohu.” Nɛ e pee jã. Se benɛ e je e nine ɔ, e tsake pee kaa bɔ nɛ e ngɛ sa a.

Mose IV, 12:14

Se Yawɛ de Mose ke, “Ke Miriam tsɛ su lada pue e hɛ mi ɔ, anɛ e kɛ zo be e he lae ligbi kpaago lo? A je lɛ kɛ je sito he ɔ, nɛ a ya tsi e nya ligbi kpaago loko a ngɔ lɛ kɛ ba ekohu.”

Luka 18:13

“Se tó tsulɔ ɔ ya da si ngɛ se lokoo, nɛ e yi nɔ tete po e wo we kɛ yɛ hiɔwe; mohu ɔ, e gbe e gugue nɛ e de ke, ‘Mawu, yayami peelɔ ji mi; naa mi mɔbɔ!’

Luka 5:12

Be ko ɔ, Yesu ya je ma ko mi, nɛ nyumu ko nɛ he womi nɔ hiɔ yaya ngɛ e he hu ngɛ lejɛ ɔ. Benɛ e na Yesu ɔ, e kpla si, nɛ e kɛ e hɛ mi bu si, nɛ e kpa lɛ pɛɛ ke, “Nyɔmtsɛ, ke o suɔ ɔ, o ma nyɛ ha ye he nɛ tsɔ.”