Luka 17:1 - BAIBLO ALOO NGMAMI KLƆUKLƆU Ɔ

¹ Yesu de e kaseli ɔmɛ ke, “Níhi nɛ haa nɔ nane kpataa a, ja a ba kɛ̃. Se nɔ nɛ nɔ nɛ ní nɛ ɔmɛ guu kɛ baa a, musu tloo lɛ!

Somi He Ɔ

¹ Yesu de e kaseli ɔmɛ ke: “Bɔ tsuaa bɔ nɛ pee ɔ ja nane kpatami nihi ba; se musu tloo nɔ nɛ a guu e nɔ kɛ baa a!

Luka 17:1 ပူးပေါင်းရင်းမြစ်များ

Mateo 16:23

Se Yesu plɛ e he nɛ e de Petro ke, “Jee ye nɔ kɛ ya se, Satan! O ngɛ ye nane kpatae. Ejakaa juɛmi nɛ ngɛ o yi mi ɔ, pi Mawu ngɔ nɛ e je, se nɔmlɔ adesa.”

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Luka 16:31

Se Abraham de lɛ ke, ‘Ke a bui Mose kɛ gbali ɔmɛ tue ɔ, lɔ ɔ lɛɛ ke nɔ ko te si kɛ je gbeje tete po, a yi mi be plɛe.’ ”

Romabi 14:13

Lɔ ɔ he ɔ, nyɛ ha wa kpa wa sibi kojomi; se mohu nyɛ pee saminya nɛ nɔ ko ko pee nɔ́ ko nɛ ma ha o nyɛmi nane ma kpata, aloo nɛ ma ha e pee yayami.

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

1 Korintobi 10:32

Nyɛ ko pee nɔ́ ko nɛ sɛ kɛ si Yuda no ko, loo ma je no ko, loo Mawu we asafo ɔ.

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, i be lo yee hu gblegbleegble, konɛ ma ko ha nɛ ye nyɛmi ɔ nɛ pee yayami.

1 Timoteo 4:1

Mawu mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua Kristo, nɔ nɛ a he ye ɔ, nɛ a ma ya nyɛɛ mumi yayamihi mohu a se; a maa bu lakpa munyuhi, kɛ tsɔɔmi yayamihi tue.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.