Luka 16:3 - BAIBLO ALOO NGMAMI KLƆUKLƆU Ɔ

³ Tsɔlɔ ɔ de ngɛ e yi mi ke, ‘Ye nyɔmtsɛ ɔ miɔ nɛ e ma kpɔ ní tsumi ɔ ngɛ ye dɛ; kɛ ma pee kɛɛ? I be nɔmlɔ tso mi he wami nɛ ma nyɛ ní tsumi kpakpataa ma tsu, nɛ nɔ́ bami hu maa pee mi zo.

Somi He Ɔ

³ Nɛ tsɔlɔ nɔkɔtɔma a de ngɛ e yi mi ke: ‘Nɛ ye nyɔmtsɛ ngɛ nɔkɔtɔma yemi ɔ kpɔe ngɛ ye dɛ nɛ ɔ, kɛ ma pee kɛɛ? I be nyɛe si ma tsua, nɛ nɔ bami hu ngɛ mi zo pee.

Luka 16:3 ပူးပေါင်းရင်းမြစ်များ

Ester 6:6

Benɛ Haman ba e ngɔ ɔ, matsɛ ɔ de lɛ ke, “Nyumu ko ngɛ nɛ i suɔ wawɛɛ kaa ma wo e hɛ mi nyami. Mɛni sa kaa ma pee ha lɛ?” Haman bi e he ke, “Mɛnɔ po matsɛ ɔ maa suɔ kaa e maa wo e hɛ mi nyami kikɛ nɛ ɔ? Nɔ́ jemi ko kulaa be he kaa imi ji jamɛ a nɔ ɔ nɛ.”

Abɛ Womi 13:4

Hejɔtsɛ ma hla kaa e na nɔ́ ko, se e nine be nɔ sue. Se nɔ nɛ tsuɔ ní lɛɛ nɔ́ tsuaa nɔ́ nɛ e ngɛ hlae ɔ, e naa.

Abɛ Womi 15:19

Hejɔtsɛ kɛ haomi kpee ngɛ he tsuaa he; se nɔ nɛ yeɔ anɔkuale ɔ, e na we nyagba.

Abɛ Womi 18:9

Hejɔtsɛ kɛ nɔ́ puɛlɔ ɔ, nyɛmimɛ ji mɛ.

Abɛ Womi 19:15

Pee hejɔ faa, nɛ o wɔ mahe vii bɔ nɛ o suɔ; se hwɔ maa ye mo.

Abɛ Womi 20:4

Hejɔtsɛ nɛ sume kaa e maa gba ní ngɛ be nɛ sa mi ɔ, ke ní kpami be su ɔ, e be nɔ́ ko nae.

Abɛ Womi 29:21

Nɔ nɛ haa e tsɔlɔ nɔ́ tsuaa nɔ́ nɛ e biɔ lɛ be tsuaa be ɔ, nyagbe ɔ, tsɔlɔ ɔ mohu ba peeɔ wetsɛ.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Hosea 9:5

Lɛɛ ke nyami be ɔmɛ su ɔ, kɛ Israel ma a maa pee kɛɛ? Yawɛ nyami be ɔ, mɛni a maa pee?

Mateo 20:8

“Gbɔkuɛ ɔ, wai ngmɔtsɛ ɔ de e tsɔlɔ nɔkɔtɔma a ke, ‘Tsɛ ní tsuli ɔmɛ nɛ o wo mɛ hiɔ. Jee sisi kɛ je sekpɛtsɛmɛ ɔmɛ a nɔ kɛ yaa su kekletsɛmɛ ɔmɛ a nɔ.’

Marko 10:46

Jehanɛ a ba su Yeriko, nɛ benɛ Yesu kɛ e kaseli ɔmɛ, kɛ ma kpekpemi nihi babauu je lejɛ ɔ kɛ yaa a, a na Timeo bi Bartimeo hɛ yuyuilɔ ɔ nɛ hii si ngɛ gbɛjegbɛ ɔ tue ngɛ nɔ́ bae.

Luka 12:17

Kɛkɛ nɛ e bɔni susumi ngɛ e yi mi ke, ‘I be he ko nɛ i kɛ ye ngmɔ mi ní nɛ ɔmɛ tsuo maa to. Kɛ ma pee kɛɛ?’

Luka 16:2

Lɔ ɔ he ɔ, niatsɛ ɔ tsɛ e tsɔlɔ ɔ, nɛ e de lɛ ke, ‘Nɔ́ nɛ a ngɛ dee ngɛ o he ɔ, e ngɛ mi niinɛ lo? I be hae nɛ o hyɛ ye ní ɔmɛ a nɔ hu; ní tsumi nɛ i ngɔ kɛ wo o dɛ ɔ, ba bu he akɔtaa.’

Luka 16:20

Nyumu ohiatsɛ ko hu hi si kɛ e he pahi fuu bami; nɛ a tsɛɛ lɛ Lazaro. Ke pee ɔ, a ngɔɔ lɛ ba fɔɔ niatsɛ ɔ we agbo nya,

Luka 16:22

“Ohiatsɛ ɔ ba gbo, nɛ bɔfohi ba ngɔ lɛ kɛ ho Abraham mi si ya. Niatsɛ ɔ hu ba gbo, nɛ a pu lɛ.

Luka 16:4

Yoo, i le bɔ nɛ ma pee, kɛkɛ ɔ, ke ye ní tsumi ɔ je ye dɛ ɔ, ma na huɛmɛ nɛ ma he mi atuu kɛ to we.’

Luka 18:4

Kojolɔ ɔ pee we nɔ́ ko nɔ́ ko ngɛ sane ɔ he hluu kɛ ya su be ko. Kɛkɛ nɛ e de ngɛ e yi mi ke, ‘E ngɛ mi kaa i yi Mawu gbeye, nɛ i bui adesa hulɔ,

Yohane 9:8

E kpɔ mi bi, kɛ nihi tsuo nɛ sa a, a naa lɛ nɛ e hii nɔ bae ɔ bi ke, “Anɛ pi nɔmlɔ nɛ ɔ nɛ hiɔ si, nɛ e hii nɔ bae be ko ɔ?”

Ni Tsumi 3:2

Nyumu ko nɛ kplɔ kɛ je e fɔmi mi hii si ngɛ sɔlemi we ɔ we agbo nɛ a tsɛɛ Agbo Saminyayoo ɔ nya ngɛ lejɛ ɔ. Daa ligbi ɔ, a woɔ nyumu nɛ ɔ kɛ baa agbo ɔ nya, nɛ e ba baa ní ngɛ nihi nɛ yaa sɔlemi we ɔ a dɛ.

Ni Tsumi 9:6

Tee si ngɛ zugba, nɛ o ya ma a mi, nɛ a maa tsɔɔ mo nɔ́ nɛ sa kaa o pee!”

2 Tesalonikabi 3:11

Wa ngɛ enɛ ɔ dee, ejakaa wa nu kaa ni komɛ ngɛ nyɛ kpɛti nɛ peeɔ hejɔ; a tsu we ní, se mohu a ngɔɔ a nya ngɔ woɔ nihi a sanehi a mi.