Luka 16:23 - BAIBLO ALOO NGMAMI KLƆUKLƆU Ɔ

²³ Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Somi He Ɔ

²³ Nɛ benɛ e ngɛ he hiami mi ngɛ gbeje nɛ e ma wo e hɛ nɔ ɔ, e na Abraham ngɛ lokoo, kɛ Lazaro ngɛ e mi si.

Luka 16:23 ပူးပေါင်းရင်းမြစ်များ

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Luka 16:28

I ngɛ nyɛmimɛ enuɔ ngɛ lejɛ ɔ. Ha nɛ e ya bɔ mɛ kɔkɔ, konɛ mɛɛ a ko ba nɔ́ nami he nɛ ɔ.’

Mateo 23:33

Sinɔhi kɛ sinɔhi a nina! Nyɛ tue nɛ a maa gbla ngɛ Abosiami a je la a mi ɔ, kɛ nyɛ maa pee kɛ tu fo ngɛ nya kɛɛ?

Mateo 18:9

Jã kɛ̃, ke o hɛngmɛ haa nɛ o peeɔ yayami ɔ, hiaa nɛ o sake ngɔ fɔ he! Afani nɛ o kɛ hɛngmɛ kake sɛ wami mi pe nɛ o ngɛ hɛngmɛ enyɔ, nɛ a ma sake mo ngɔ fɔ Abosiami a je la a mi.

La 9:17

Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Luka 8:28

Benɛ e na Yesu ɔ, e hia ngmlaa nɛ e ho ya kpla si ngɛ e nane nya, nɛ e kɛ ngmlaa de ke, “Yesu, Hiɔwe Mawu No ɔ Bi! Mɛni sane i kɛ mo ngɛ? I kpa mo pɛɛ, koo hao mi!”

Mateo 5:29

Ke o hiɔ nɔ hɛngmɛ haa nɛ o peeɔ yayami ɔ, hiaa nɛ o sake ngɔ fɔ he. E hi ha mo kaa o nɔmlɔ tso ɔ he nɔ́ ko maa laa pe nɔ́ nɛ a ma sake o nɔmlɔ tso ɔ tsuo ngɔ fɔ Abosiami a je la a mi.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Yesaya 14:15

Se mohu ɔ, a ba mo si kɛ ho gbeje he nɛ mi kuɔ pe kulaa a ya.

Yesaya 14:9

“Babilonia matsɛ, gbeje pee klaalo nɛ e ma he mo atuu. Ni nguahi nɛ hi je mi hyɛ ɔ a kpade ɔmɛ ngɛ si poe. Matsɛmɛ ɔmɛ a kpade ɔmɛ ngɛ si tee ngɛ a matsɛ sɛ ɔmɛ a nɔ.

1 Korintobi 15:55

Mo gbenɔ, jije o kɛɛ ɔ ngɛ? Mo gbeje, jije o kunimi yemi ɔ ngɛ?

Mateo 11:23

Nɛ mo, Kapernaum, tse o ngɛ blɔ hyɛe kaa a ma wo o nɔ kɛ ya hiɔwe lokoo? Siu! Dla o he! Abosiami la a mi mohu a ma sake mo kɛ fɔ! Nyakpɛ ní babauu nɛ a pee ngɛ o mi ɔ, a ya pee ngɛ Sodom jinɛ e ko hi si kɛ ba si mwɔnɛ ɔ.

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Abɛ Womi 15:24

Blɔ nɛ ní lelɔ nyɛɛɔ nɔ ɔ, e kɛ lɛ yaa wami mi. Blɔ nɛ kɛ nɔ yaa gbeje ɔ, e nyɛɛ we nɔ.

Abɛ Womi 9:18

Nihi nɛ yo nɛ ɔ naa a he blɔ ɔ, a li tete kaa ke o na ya sɛ e we ɔ mi pɛ o plɛ pee nɔ gbogboe. A li tete kaa nihi tsuo nɛ ya sɛ e we ɔ mi ɔ, a wuhi a he je momo ngɛ gbeje.

Abɛ Womi 7:27

Ke o su e we ɔ mi ɔ, lɛɛ blɔ kpiti nɛ a guu kɛ yaa gbeje ɔ, e nɔ lɛ o ngɛ kɛ yaa a nɛ.

Abɛ Womi 5:5

Blɔ nɔ nɛ e ngɛ nyɛɛe ɔ kɛ nɔ yaa gbeje. E maa ngɔ mo kɛ ya tɔɔ.

La 86:13

O na mi mɔbɔ be babauu; gbeje tete po lɛ o je mi kɛ je.

La 49:15

Se imi lɛɛ Mawu ma kpɔ mi kɛ je gbenɔ dɛ mi. E maa ngɔ mi kɛ ba e ngɔ.

La 16:10

Ejakaa o maa bu ye he, nɛ gbenɔ he wami be ye he blɔ nae. Nɔ nɛ o suɔ lɛ ɔ, o be e he ngmɛɛe nɛ e hɛ mi nɛ kpata.

Luka 16:24

Kɛkɛ nɛ niatsɛ ɔ kɛ ngmlaa de ke, ‘Tsaatsɛ Abraham lee! I ngɛ nɔ́ nae tsɔ ngɛ la nɛ ɔ mi! Lɔ ɔ he ɔ, naa mi mɔbɔ oo, naa mi mɔbɔ! Mao tsɔ Lazaro nɛ e ngɔ e nine nguɛ nya ya sɔ nyu mi, nɛ e kɛ ba jɔɔ ye lilɛ he ha mi oo, i kpa mo pɛɛ!’