Luka 16:19 - BAIBLO ALOO NGMAMI KLƆUKLƆU Ɔ

¹⁹ “Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Somi He Ɔ

¹⁹ “Jeha nɔ nyumu niatsɛ ko ngɛ, nɛ e woɔ tade tsu kɛ klala nɛ ngɛ fɛu, nɛ e naa bua jɔmi, nɛ e peɔ afɛu ni daa nɛ ɔ.

Luka 16:19 ပူးပေါင်းရင်းမြစ်များ

Ester 8:15

Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.

Abɛ Womi 14:24

Ní lelɔ ɔ, e se nami ji ní nami; kuasia lɛɛ e hiɔwo ji biɛmi.

Abɛ Womi 31:22

Lɛ nitsɛ e loɔ e sa nɔ bo; nɛ e buɔ kploba nɛ ngɛ fɛu, kɛ bo nɛ hɛɛ alamua tu su.

Yesaya 3:23

kploba heha ní ɔmɛ, mele duku ɔmɛ, yi duku ɔmɛ, kɛ hɛ mi hami nɔ́ gagaa amɛ tsuo ɔ, Nyɔmtsɛ ɔ ma je ngɛ a he.

Ezekiel 16:13

I ha mo sika hiɔ, kɛ sika tsu june nɛ o kɛ dla o he. Kploba falefale, sliiki, kɛ bo nɛ a lo ga níhi ngɔ wo mi ji tadehi nɛ o woɔ. Niye ní nɛ o yeɔ ji abolo nɛ a ngɔ mamu kpakpa kɛ sã, kɛ jehanɛ hu hwo, kɛ oliv nu. O he pee fɛu wawɛɛ nitsɛ; nɛ o ba pee manyɛ.

Ezekiel 16:49

O nyɛmiyo Sodom, kɛ e mi bi ɔmɛ woɔ a he nɔ; a ngɛ niye ní babauu, a ngɛ he jɔmi mi, nɛ a tue mi jɔ mɛ; se a yi bua ohiatsɛmɛ, kɛ nihi nɛ e fi mɛ ɔ.

Ezekiel 27:7

Kploba a kɛ pee o mi abalaa amɛ, kploba nɛ a lo ní wo mi saminyayoo kɛ je Egipt. A yoɔ abalaa amɛ ngɛ se lokoo. Nɔ́ nɛ ha lɛ ɔ yi mi ɔ, bo bluu, kɛ bo he jua wawɛ nɛ hɛɛ alamua tu su a kɛ pee. A kɛ enɛ ɔmɛ tsuo je Kipro zugba nɛ wo bɔle lɛ ɔ nɔ.

Marko 15:17

A wo Yesu tade he jua wawɛ tsutsuutsu, nɛ a kɛ mio pee jlasi kɛ fi e yi.

Marko 15:20

Benɛ a ye e he fɛu se ɔ, a je tade he jua wawɛ tsutsuutsu ɔ ngɛ e he, nɛ a ngɔ lɛ nitsɛ e tade ɔmɛ ngɔ wo lɛ; nɛ a kɛ lɛ ho nɛ a ya sɛu lɛ.

Luka 15:13

Be bɔɔ se ɔ, jokuɛyo ɔ jua e blɔ fami nɔ́ ɔ tsuo, nɛ e kɛ sika a doma kɛ ho ma se he ko lokoo ya. Lejɛ ɔ e kɛ je mi bami yaya ya kpata e sika a hɛ mi ngɛ.

Luka 16:1

Yesu de e kaseli ɔmɛ ke, “Nyumu niatsɛ ko hi si, nɛ e ngɛ tsɔlɔ nɔkɔtɔma nɛ hyɛɛ e níhi a nɔ ha lɛ. Be ko ɔ, a ba po tsɔlɔ nɛ ɔ nya ngɔ ha niatsɛ ɔ ke e ngɛ e ní ɔmɛ a hɛ mi kpatae.

Luka 16:18

“Nɔ tsuaa nɔ nɛ fieɔ e yo, nɛ e ya ngɔɔ yo kpa a, e puɛ gba; nyumu nɛ ya ngɔɔ yo nɛ e huno fie lɛ ɔ, lɛ hu e puɛ gba.

Luka 16:20

Nyumu ohiatsɛ ko hu hi si kɛ e he pahi fuu bami; nɛ a tsɛɛ lɛ Lazaro. Ke pee ɔ, a ngɔɔ lɛ ba fɔɔ niatsɛ ɔ we agbo nya,

Kpojemi 17:4

Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.

Kpojemi 18:16

nɛ a ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Sa a, kploba nɛ ngɛ fɛu, bo he jua wawɛ nɛ hɛɛ alamua tu su, kɛ bo tsu lɛ e buɔ, nɛ sika tsu, june, kɛ adiagba e kɛ dlaa e he!

Kpojemi 18:7

Bɔ nɛ e pee ní nguahi, nɛ e fiɛ e yi nɔ ɔ, pii lɛ, nɛ e ye aywilɛho ja nɔuu. Ejakaa e pɔɔ e he demi ke, ‘Manyɛ ji mi, nɛ i hii si ngɛ ye sɛ ɔ nɔ! Pi yalɔyo ji mi; i be aywilɛho yee gblegbleegble!’

Manyadali 8:26

Sika tsu tue nya ní nɛ Gideon nine su nɔ ɔ tsuo jiimi ji kilo nyingmi enyɔ, slo sika ní kpahi, kuɛ gahi, tadehi nɛ a he jua wa nɛ hɛɛ alamua tu su nɛ Midian matsɛmɛ ɔmɛ woɔ ɔ, kɛ kɔsɔkɔsɔhi nɛ ngɛ a we afukpɔngɔ ɔmɛ a kuɛ ɔ.