Luka 16:17 - BAIBLO ALOO NGMAMI KLƆUKLƆU Ɔ

¹⁷ E wɛ kaa hiɔwe kɛ zugba maa be kɛ ho, kaa a maa po mlaa a mi ngu kake ngmelu mi.

Somi He Ɔ

¹⁷ E wɛ hi hiɔwe kɛ zugba kaa a maa be kɛ ho pe nɔ́ nɛ Mlaa a mi ngu kake maa nɔ si.

Luka 16:17 ပူးပေါင်းရင်းမြစ်များ

Mateo 5:18

Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

Luka 21:33

Hiɔwe kɛ zugba maa be kɛ ho, se ye munyu ɔmɛ lɛɛ a maa hi si daa.

1 Petro 1:25

Se Nyɔmtsɛ ɔ munyu ɔ ngɛ kɛ yaa neneene.” Munyu ɔ ji sane kpakpa a nɛ a fiɛ ha nyɛ ɔ nɛ.

Yesaya 40:8

Nga gbliɔ, nɛ mɔmɔ hu nglaa; se wa Mawu ɔ munyu ɔ lɛɛ e ngɛ kɛ yaa neneene.”

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Kpojemi 21:1

Jehanɛ ɔ, i na hiɔwe he, kɛ zugba he, ejakaa kekleekle hiɔwe, kɛ kekleekle zugba a be kɛ ho. Nɛ wo be hu.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.